| e-texts navigator |
| Wylie |
43b1 ནག་པོ་དག་གིས་སྐེ་ནས་གདབས།། དེ་ནས་ཐོད་པ་མཚན་ངན་ཞིག་བཙལ་ཏེ།། ལུས་ཀྱི་ངོས་ལ་ཡབ་བྲི་སྒྲི་བོའི་ངོས་ལ་ཡུམ།། དེ་བཞིན་གཟུགས་དེ་འཁོར་ལོའི་བར་དུ་གཞུག། འཁོར་ལོ་ཐོད་པའི་ནང་དུ
43b2 གཞུག། མི་ལྤགས་ཕྲེང་བས་རྒྱ་གྲམ་བཅིང་།། དེ་ནས་ཕུར་པ་བཅུ་གཅིག་ལ།། གུ་གུལ་དུད་པས་རབ་ཏུ་བདུག། ཡུངས་ཀར་རྒྱལ་པོ་དག་ཀྱང་བརྡེག། གྲུ་གསུམ་དབྱིངས་ནས་ཁྲོ་བོ་ཆེན་པོར་བསྐྱེད།། སྤྱན་དྲང
43b3 བཞུགས་སུ་གསོལ་ཏེ་རང་རང་གདན་ལ་དགོད།། ཤར་དུ་ཀོང་ཙེ་བྲག་གྱོན་དྲི་ཟ་འདུལ།། ལྷོ་ཕྱོགས་འཆི་བདག་ཡ་བ་ཏི།། ནུབ་ཏུ་ཀླུ་བདག་རྨིག་པ་འདུལ།། བྱང་དུ་ལྷ་མཆོག་གནོད་སྤྲིན་འདུལ།། ཤར་ལྷོར་གླང
43b4 མགོ་མེ་ལྷ་འདུལ།། ལྷོ་ནུབ་མིག་དམར་སྲིན་པོ་འདུལ།། ནུབ་བྱང་ཏེལ་པ་རླུང་ལྷ་འདུལ།། བྱང་ཤར་ལས་གྲུབ་དབང་ལྡན་འདུལ།། སྟེང་དུ་ནག་འཇོམས་ཚངས་པ་འདུལ།། འོག་ཏུ་དམར་པོ་ས་བདག་འདུལ།། དེ
43b5 དག་གཤིན་རྗེའི་ཡུམ་རྣམས་ཀྱང་།། ཕུར་པ་རང་རང་གྲིབ་ལ་གནས།། ཀུ་མ་ད་རི་བདུད་འདུལ་ཤར།། ཀྵ་མ་ད་རི་བཙན་འདུལ་ལྷོ།། ཀང་ཀ་ད་རི་གཟའ་འདུལ་ནུབ།། ཙ་མུན་ད་རི་ཀླུ་འདུལ་བྱང་།། ཕུར་པ་བཞི
43b6 ཡང་སྒོ་བཞི་ལའོ།། གཤིན་རྗེའི་བྲིས་སྐུ་ལྷོ་རུ་དགྲམ།། ཐོད་པ་འཁོར་ལོ་བཅས་པ་སྟེ།། གྲུ་གསུམ་ཕུབ་སྟེ་སྟེང་དུ་གཞག། གཡང་གཞི་འཕན་ལ་སོགས་པས་བརྒྱན།། ཤ་ཆེན་ཚིལ་ཆེན་ཀེང་རུས་དང་། ཁྲག་ཆེན་ལ
iiif viewer powered by OpenSeadragon
