| e-texts navigator |
| Wylie |
42b1 བསྲང་།། ཞེས་པ་གཤིན་རྗེ་གཤེན་པོས་བཤད།། དཔལ་ཟླ་གསང་ནག་པོའི་རྒྱུད་ལས། དཀྱིལ་འཁོར་གྱི་བཅའ་གཞིའི་ལེའུ་སྟེ་ཉི་ཤུ་པའོ།། །། དེ་ནས་མཐུ་སྟོབས་ཀྱི་བདག་པོ་དཔལ་ཕྱག་ན་རྡོ་རྗེ་ལ་འདི་སྐད
42b2 ཅེས་ཞུས་སོ།། ཧེ་ཧེ་དཔའ་བོ་འཇམ་པའི་མགོན།། ཕྱོགས་སྐྱོང་འདུལ་བའི་གཤེད་པོ་སྟེ།། དཔའ་བོའི་འཁོར་དུ་འདུས་པ་རྣམས།། ཚུལ་བཞིན་བསྒྲུབ་པའི་དོན་བཤད་ཀྱང་།། ཕྲིན་ལས་གཞུང་བསྲང་ཇི་ལྟར
42b3 བསྲང་།། ཏིང་འཛིན་རྣམ་གསུམ་ཇི་ལྟར་བསྐྱེད།། སྤྱན་དྲང་བཞུགས་མཆོད་ཇི་ལྟར་བགྱི།། འཇམ་དཔལ་མགོན་ལས་བདག་ཉན་འཚལ།། དཔའ་བོ་ཆེན་པོས་བཀའ་སྩོལ་ཅིག། དེ་ནས་བཅོམ་ལྡན་འདས་འཇིགས
42b4 བྱེད་ཆེན་པོས་ཕྲིན་ལས་ཀྱི་ལེའུ་འདི་ཆེད་དུ་བརྗོད་དོ།། དམར་ནག་བྲག་གམ་སོག་པོ་ཁྲོས་པ་འདྲ།། མི་རོ་མང་པོ་ཡོད་ཅིང་རྐང་གཅིག་ཤིང་གི་རྩར།། གཅན་གཟན་མང་པོ་འགྲུལ་ཞིང་འདབ་ཆགས་མང་པོ
42b5 འདུ།། ལྷ་འདྲེ་མང་པོ་ཚོགས་པར་དྲག་པོའི་གནས་བཙལ་ཏེ།། མཆོད་པ་བཤམས་ལ་དཀོན་མཆོག་གསུམ་པོ་སྤྱན་དྲངས་ལ།། མཉེས་པར་བྱ་ཕྱིར་མཆོད་པ་རྣམ་ལྔ་འབུལ།། ས་བདག་ས་སྲིན་མང་པོ་སྤྱན་དྲངས
42b6 ལ།། གཏོར་མ་ཆང་ཕུད་མཆོད་རྫས་བྱིན་བརླབས་ཏེ།། བསྔོས་ལ་ས་སློང་ཚིག་ཀྱང་བརྗོད།། ང་རྒྱལ་རྡོ་རྗེ་ཁྲོ་བོ་ཡིས།། རྡོ་རྗེའི་འགྲོས་ཀྱིས་ས་བསྐོར་ཏེ།། ས་བསླང་ས་གཞི་སྦྱང་བ་ནི།། བདག་ཉིད་ཁྲོ་བོར་གྱུར
iiif viewer powered by OpenSeadragon
