| e-texts navigator |
| Wylie |
42a1 གསུམ་པ་དག་ལ་ནི།། བཅུ་དྲུག་རྩིབས་དང་ལྡན་པ་ལ།། ཧྲཱིཥྚྲྀཿའི་སྔགས་ཀྱི་ཡི་གེ་དག། བསྒྲུབ་བྱའི་མིང་དང་སྤེལ་ལ་དགོད།། རྡོ་རྗེ་ར་བའི་ཕྱི་རོལ་དུ།། སྒོ་དང་སྒོ་ཁྱུད་ལྡན་པ་བྱ།། དབུས་ནི་དྲག་པོ
42a2 གྲུ་གསུམ་གནག། ལིང་ཙེ་བཞི་ནི་ཕྱོགས་དང་སྦྱར།། ས་སྟོང་མཛེས་པའི་ཚོན་དུ་གཏང་།། བཅུ་གཉིས་དྲག་པོ་བཅུ་དྲུག་རྒྱས།། རྡོ་རྗེ་ལྕགས་ལ་གྲུ་ཆད་ལྡང་།། མཐའ་མ་ལྕགས་རི་སྒོ་ནི་ཕྱོགས་དང་སྦྱར།། གཤིན་རྗེ
42a3 ལྷ་ནི་ལྷོ་ཤར་བྱང་།། བུ་དོན་ལྷོ་ཡི་ཕྱོགས་སུ་དགྲམ།། ཤ་ཁྲག་རྫས་དང་མེ་ཏོག་སྔོ།། ལྷོ་ཡི་ཕྱོགས་ནས་དབུལ་བར་བྱ།། དྲག་པོ་རྫས་ཀྱི་ག་བུ་འུ་དེ།། མངའ་གསོལ་དབང་བསྐུར་བྱས་ནས་ཀྱང་།། དཀྱིལ
42a4 འཁོར་སྟེང་དུ་བཞུགས་སུ་གསོལ།། འཁོར་ལོ་བཅུ་གཉིས་རྩེ་ལ་ཡང་།། ཕུར་པ་བཅུ་གཉིས་རིམ་གྱིས་སོ།། འཁོར་ལོ་བཅུ་དྲུག་རྩེ་མོ་ལ།། ཀེ་སིང་བཅུ་དྲུག་ཕུར་པ་དགོད།། སྒོ་བཞི་སྲེ་མོའི་ཕུར་པ་བཞི།། ཉི་ཤུ་རྩ
42a5 བརྒྱད་རྩང་ལ་ཡང་།། དབང་ཕྱུག་མངའ་གསོལ་བར་ཁྱམས་ལའོ།། བསྒྲུབ་བྱའི་དམ་རྫས་གཏོར་མ་ཡང་།། བསྒྲུབ་བྱའི་ལྷ་སྟེ་དཔལ་ལ་གཅིག། བསྙེན་པའི་ལྷ་སྟེ་ཡ་མཱནྟ་ཀར་གཅིག། ལས་སུ་གཉེར་བའི་ལྷ་སྟེ་ཉི
42a6 མ་བཞི་པ་ལ་གཅིག། ཕྲིན་ལས་གཉེར་བའི་ལྷ་སྟེ་གྲི་ཐོགས་གིང་དང་ཁྲམ་ཐོགས་བདུད་ལ་གཅིག། མ་མོའི་ཚོགས་ལ་གཅིག་ཀྱང་དབུལ།། ཞི་ཁྲོའི་ལྷ་ལ་ལས་གཞུང་བསྲང་།། དེ་ནས་འཆི་བདག་ལས་གཞུང
iiif viewer powered by OpenSeadragon
