| e-texts navigator |
| Wylie |
41b1 ངག་ཐོབ་ནས་ཀྱང་།། བརྩོན་འགྲུས་ཆེན་པོས་མྱུར་དུ་བསྒྲུབ།། གནས་དང་གཟུངས་མ་དག་དང་ནི།། ལྟ་སྤྱོད་ལྡན་པ་དག་གིས་ཀྱང་།། འཁོར་ལོའི་རྒྱུ་དང་སྣག་ཚའི་རྒྱུ།། སྨྱུ་གུའི་རྒྱུ་དང་དུས་ཕྱོགས་དང་།། མཁས
41b2 པས་ཟླ་གསང་རྒྱུད་ནས་བཤད།། དྲག་པོ་ས་ཡི་མནྡ་ལ་ཡང་།། བསྐྲད་དང་བཟུང་དང་བསླང་བ་སོགས།། མཁས་པས་ཟླ་གསང་རྒྱུད་ལས་སོ།། དྲག་པོའི་དཀྱིལ་འཁོར་བྲི་བ་ཡང་།། ཐིག་གཡོག་མཚན་ལྡན་གཟུངས
41b3 མ་ལ།། བ་སུ་ཏ་ཡི་ཐིག་དང་ཐལ་ཆེན་ཚོན་རྒྱུ་དང་།། རྒྱུད་དང་མན་ངག་ཤེས་པས་བྱ།། ཤར་ནུབ་ལྷོ་དང་ཕྱོགས་དང་མཚམས།། ཕྱོགས་ཆ་རིག་པས་བལྟ་བར་བྱ།། སྟེགས་བུ་འདོམ་གང་གྲུ་བཞི་ལ།། ཆག་ཆག
41b4 གསུམ་དང་སྐྱང་ནུལ་ཡང་།། ཟླ་གསང་རྒྱུད་ལས་ཤེས་པར་བྱ།། བྱིན་རློབས་གནམ་ས་ཐིག་བཏབ་པ།། ཟླ་གསང་ལས་ལས་ཤེས་པར་བྱ།། ཐིག་ནི་བརྒྱད་ཀྱི་ཆ་རུ་བྱ།། ཐིག་སྐོར་བཞི་དང་ལྡན་པ་ལ།། ཐིག་སྐོར
41b5 གསུམ་ལ་ཐིག་གསུམ་གདབ།། ལེའུ་ཚེ་དག་ནི་དགུ་རུ་འགྱུར།། ཕྱི་རོལ་ཐིག་སྐོར་རྡོ་རྗེའི་ར།། ཐིག་སྐོར་གཉིས་པ་དག་ལ་ནི།། བཅུ་གཉིས་རྩིབས་དང་ལྡན་པར་བྱ།། ཡ་མ་མེ་ད་ཀྵེ་ཞེས་བྱ།། ཕྱོགས་བཞི་དབུས་ཀྱི
41b6 ལེའུ་ཚེ།། དྲག་པོ་སྔགས་ཀྱི་ཡི་གེ་དགོད།། བཅུ་གཉིས་རྩིབས་དང་ལྡན་པ་ལ།། རཱ་ཛ་ས་དོ་བཞི་དག་དགོད།། རུ་ཎ་ཡོ་ནི་དག་དང་ཡང་།། ར་ཡ་ཙ་ནི་ཞེས་པ་ནི།། འཁོར་ལོའི་རྩིབས་ལ་དགོད་པར་བྱ།། ཐིག་སྐོར
iiif viewer powered by OpenSeadragon
