| e-texts navigator |
| Wylie |
39a1 སོགས་པ་གདོན།། ཚྭ་ཚྭ་ཉེ་འདོན་ལ་སོགས་བྱ།། ཡེ་ཤེས་སེམས་དཔའ་བསྒོམ་པར་བྱ།། བཱ་གཱི་ཤྭ་རི་འབྲུ་དྲུག་འདོན།། འཇམ་དཔལ་མཚན་ནི་ཡང་དག་པ།། རྟག་ཏུ་གདོན་པར་དམ་ཡང
39a2 བཅའ།། གྲུབ་པའི་ཉི་མ་གང་ཡིན་ལ།། བསོད་ནམས་ཚོགས་ནི་ཅི་ནུས་བསག། དེ་ནས་དྲག་པོ་བྱེད་འདོད་ན།། ཐ་ཆུང་བཞི་ཡི་མར་ངོ་ལ།། མནྡལ་གཙང་མ་དྲིས་བྱུགས་ལ།། དཀའ་ཐུབ་དྲག་པོའི་སྡོམ་པ་བྱས།། ཀུ
39a3 ཤའི་སྟན་ལ་འདུག་ནས་ནི།། མགོ་བོ་རྨ་བྱ་བཞིན་དུ་དགུག། རུ་རཀྵ་ཡི་ཕྲེང་བ་བགྲང་།། མགོན་པོ་ཉིད་ལ་གུས་བྱས་ཏེ།། སྔོན་དུ་འགྲོ་བའི་བསྙེན་པ་ནི།། ཡི་གེ་བཅུ་བདུན་ནུས་ཟང་གིས།། དྲུག་འབུམ་དག་ཏུ
39a4 བཟླས་པ་བྱ།། དེ་ནི་བསྙེན་པ་དང་པོ་ཡིན།། ཕྱིས་ནི་རི་རབ་རྩེ་མོ་ལ།། གསུམ་འབུམ་དག་ཏུ་བཟླས་པ་བྱ།། དེ་ནི་བསྙེན་པ་གཉིས་པ་ཡིན།། དེ་ནས་དཀྱིལ་འཁོར་གཙང་མའི་སྟེང་། ཁྲིའུ་འམ་དཀྱིལ་འཁོར་གཙང
39a5 མའི་སྟེང་།། འཇམ་དཔལ་སྐུ་གཟུགས་རི་མོའམ།། བཞུགས་པའི་སྤྱན་སྔར་གཉིས་འབུམ་བཟླས།། དེ་ནི་བསྙེན་པ་གསུམ་པ་སྟེ།། བྱེ་བ་གཅིག་འབུམ་ཐོན་པ་དང་།། མེ་ཏོག་ལ་སོགས་མཆོད་པ་བྱ།། ཕྱི་དང་ནང་གི
39a6 མཆོད་པས་མཆོད།། བསྟོད་པ་ལ་སོགས་ཅི་རིགས་བྱ།། བསྙེན་པ་རྫོགས་ནས་རྟགས་རྣམ་འབྱུང་།། འཇམ་དཔལ་སྐུ་ཡི་ཞལ་འཛུམ་མམ།། རྟགས་ནི་བཟང་པོ་འབྱུང་བ་ནི།། དངོས་གྲུབ་ལ་སོགས་བླང་བར་བྱ།། དེ
iiif viewer powered by OpenSeadragon
