| e-texts navigator |
| Wylie |
392a1 གདངས་པ།། ཁ་གདངས་པ་ཞེས་བསྒྲགས་པ་ཡིན།། སྲན་དང་བཅས་ལ་བཞི་ནི་བསྐོར།། མཐུ་རྩལ་ཆེ་བའི་སྟབས་སུ་སྩོལ།། མཆུ་ཡི་མཐའ་མ་སོ་ཡིས་མནན།། ལག་པ་ཕྱར་ཏེ་སྡིགས་པར
392a2 བྱེད།། བསྙེམས་དང་བཅས་ཤིང་སྒྲ་ཡང་འབྱིན།། འཇིགས་པར་བྱེད་པའི་ཧཱུཾ་བསྒྲགས་པའི།། ཚམ་ངམ་ལེགས་པར་བཤད་པ་ནི།། མཛེས་པའི་ཁྲོ་བོས་གནོན་པའོ།། བཙན་ཐབས་སུ་ནི་བསྐོར་བར་བྱ།། རྐང་པོ
392a3 གཡས་པ་བཙུགས་ཏེ་མནན།། ལག་པ་གཉིས་ཀ་དྲག་རྡོབ་པ།། བྱས་ནས་འཇིགས་པར་བྱ་བ་ནི།། དེ་བཞིན་སྙེམས་དང་བཅས་བཤད་པ།། ཚམ་ངམ་བདག་ཉིད་ཆེན་པོ་འདི།། འཇིགས་པར་བྱེད་པ་ཞེས་བྱ
392a4 སྟེ།། རྟག་ཏུ་ཁྲོ་བོ་བསྒོམ་པའོ།། རྐང་པ་མཉམ་པར་བཞག་ཏེ་འདུག། གཡས་པ་ཅུང་ཟད་མཐོ་བར་བྱ།། དཔལ་དང་ལྡན་པས་གཡོན་པ་སྨད།། གཡོན་པ་སོར་མོ་གཅིག་གིས་བསྡིགས།། དཔུང་པ་བཏེག་སྟེ་བེ་ཅོན
392a5 འཕྱར།། རྐང་པ་དང་ནི་གདོང་བསྒྱུར་བ།། རྟག་ཏུ་ཁྲོ་བོ་བསྒོམ་པ་ནི།། ཀཱི་ལི་ཀཱི་ལ་ཞེས་བྱའོ།། ཀཱི་ལི་ཀི་ལ་ཆེན་པོ་ནི།། དེ་ཉིད་ལས་ནི་རྒྱབ་ཏུ་བལྟ། ཁྲོ་བོ་མིག་ནི་ཡ་གཅིག་བཙུམས།། མྱུར་དུ་མཆོད་སྟབས་བྱེད
392a6 པའོ།། འདི་ནི་ཚམ་ངམ་སྦྱོར་བ་སྟེ།། ཧེ་ལའི་འཁོར་ལོ་རྩིབས་རིམ་ལས།། མདོར་ན་ཇི་ལྟར་དགོད་པ་དག། ལེགས་པར་བཤད་པ་འདི་ཡིན་ནོ།། ཧེ་ལའི་འཁོར་ལོའི་མཐུ་སྔགས་དང་།། ཚམ་ངམ་གཡས་ཀྱི་མཐུ
iiif viewer powered by OpenSeadragon
