| e-texts navigator |
| Wylie |
38a1 ཞེས་བརྗོད་པ་ཙམ་གྱིས་འཇིག་རྟེན་གྱི་ཁམས་འདི་དག་གཡོས་སོ།། རབ་ཏུ་ཀུན་ཏུ་གཡོས་སོ།། རབ་ཏུ་ཀུན་ཏུ་ལྡེག་གོ། རབ་ཏུ་ཀུན་ཏུ་འུར་ཆེམ་མོ།། དབུས་མཐོ་ན་མཐའ་དམའ། མཐའ་མཐོ་ན
38a2 དབུས་དམའ། འཇིག་རྟེན་གྱི་ཁམས་འདི་དག་རབ་ཏུ་གཡོས་པར་གྱུར་ཏོ།། དེ་ནས་བཅོམ་ལྡན་འདས་རྡོ་རྗེའི་བདག་ཉིད་དེས་འདི་སྐད་ཅེས་གསོལ་ཏོ།། བཅོམ་ལྡན་འདས་རབ་ཏུ་གསུང་གི་གསང་སྔགས་གསུངས
38a3 པས་བདག་ཅག་སྤྲོ་ལགས་སོ།། འཇིག་རྟེན་དུ་མཐུ་ཆེན་འདི་ལྟ་བུ་ལ་བདག་ཞུ་བ་ལགས་སོ།། དེ་ནས་བཅོམ་ལྡན་འདས་རང་བཞིན་ཁྲོ་བར་མཛད་པ་དེ་ལ། བདག་མངོན་དུ་སེམས་ཅན་ཐམས་ཅད་ཀྱི་དོན་རབ་ཏུ
38a4 ཡང་ཞུ་བར་འཚལ་ལགས་སོ།། བཅོམ་ལྡན་འདས་ཁྲོ་བོ་ཆེན་པོས་པོ་ས་འདུལ་བར་མཛད་པ་དེས་འདི་སྐད་ཅེས་གསུངས་སོ།། ཨོཾ་ཤྲཱི་བ་ར་ཡཀྵ་གྷུ་ཧྱ་སརྦ་ཏ་ཀི་བཛྲ་ཀཱ་ལ་རཱུ་པ་མཱ་ར་ཡ་ཕཊ་ཞེས་གསུངས་པས
38a5 འཇིག་རྟེན་ན་དབང་ཆེ་བ་དང་། མཐུ་ཆེ་བ་ལ་སོགས་པ་བཏུལ་ནས་འདི་སྐད་ཅེས་གསུངས་སོ།། ཕྱོགས་བཅུའི་འཇིག་རྟེན་གང་ནས་ཀྱང་།། གསུང་དུ་མེད་པའི་ཆོས་ཉིད་ལ།། རང་སེམས་འཕྲོ་འདུར་གྱུར་པ
38a6 ལས།། ཕྱོགས་བཅུར་གསུང་པ་དེ་དག་ཡིན།། ཞེས་གསུངས་སོ།། དཔལ་ཟླ་གསང་ནག་པོའི་རྒྱུད་ལས། དྲག་པོའི་སྒྲུབ་ཐབས་ཏེ་ཐམས་ཅད་བཏུལ་ནས་ཆོ་འཕྲུལ་བསྟན་པའི་སྐབས་ཏེ་ལེའུ་བཅུ་བདུན
iiif viewer powered by OpenSeadragon
