| e-texts navigator |
| Wylie |
37a1 ཕྱིར།། ཉུང་དཀར་རྐང་རྗེས་སའམ་གཞན། ཁྲག་གསུམ་ཐལ་ཆེན་བསྲེས་བྱས་ལ།། ག་བུའི་འུའི་ནང་དུ་བླུགས་བྱས་ལ།། ག་བུ་འུ། གཉིས་ནི་ཁ་སྦྱར་ལ།། སྐུད་པ་དམར་པོ་ཟངས་ལ་སོགས།། བཅིངས
37a2 ནས་བསྡམས་ཏེ་དམ་དཀྲིས་ནས།། དཀྱིལ་འཁོར་གྱི་ནི་ཐོག་ཏུ་བཞག། ཉུང་དཀར་ཟངས་ནི་བསྲེས་བྱས་ཏེ།། དུད་པས་ག་བུ། འུ་དེ་ལ་བདུག། དེ་ལ་བདུགས་པར་གྱུར་པ་དང་།། བཟླས་པའི་སྙིང་པོ་བརྗོད་བྱ
37a3 ཞིང་།། ལན་གྲངས་ཁྲི་ཚར་དུ་མ་རུ།། བརྗོད་ན་སངས་རྒྱས་ལ་སོགས་རྣམས།། འགུགས་པར་གྱུར་ན་ཕལ་པ་གཞན།། སྨོས་ཅི་དགོས་ཏེ་ངེས་པར་འདུག། ཨོཾ་བཛྲ་ཨ་ཀྲོ་མཉྫུ་ཤྲཱི་བ་ཤཾ་མ་ཧོ་སརྦ་ཏི་ལ་བྷྲཱུཾ། ལན་གྲངས
37a4 མང་དུ་བརྗོད་བྱས་ན།། ཇི་ལྟར་བསམ་པ་ཐམས་ཅད་འགུགས།། རྒྱ་ཤུག་བཀྲུས་པའི་ཁུ་བ་དང་།། མི་ཡི་ལག་པའི་ཁུ་བ་གཉིས།། སྔ་མ་བཞིན་དུ་དགུག་བྱས་ན།། འགུགས་པར་གྱུར་ཞེས་དཔའ་བོས་བཤད།། ཡང
37a5 ན་རང་གི་ལག་ཀྱང་རུང་།། ཞེས་གསུངས་པས་ཐམས་ཅད་མ་ལུས་པར་དབང་དུ་འདུས་པས་དཔེར་ན་ཕྱོགས་ཕྱོགས་ཐམས་ཅད་ནས། མཚོ་ལ་སྦྲང་མ་འདུ་བ་ལྟར་འདུས་ཏེ་བདག་གི་དབང་དུ་གང་ལ་བྱ་བ་དེ་དབང
37a6 དུ་འགྱུར་རོ།། ཞེས་པ་གཤིན་རྗེ་གཤེད་པོས་གསུངས་སོ།། དཔལ་ཟླ་གསང་ནག་པོའི་རྒྱུད་ལས། ཐམས་ཅད་དབང་དུ་བྱ་བའི་སྐབས་ཏེ་ལེའུ་བཅུ་དྲུག་པའོ།། །། དེ་ནས་ཡང་ཕྱོགས་སྐྱོང་གི་གཤིན་རྗེ་གཤེད
iiif viewer powered by OpenSeadragon
