| e-texts navigator |
| Wylie |
378a1 ཏོག་སྔགས་ཀྱིས་བཏབ་པ་ཡིས།། དེ་ལྟར་བཞུགས་པར་བྱས་ནས་སུ།། ཨརྒྷ་འདི་ནི་བཞེས་ཤིག་ཅེས།། ཚིག་གི་འཇུག་ཏུ་བརྗོད་ནས་སུ།། སྤོས་ཆུ་མེ་ཏོག་སྦྱར་བ་ཡིས།། ཨརྒྷ་དེ་ལ་དབུལ་བར
378a2 བྱ།། མེ་ཏོག་བདག་གིས་ཕུལ་བ་འདི།། བཞེས་སུ་གསོལ་ཞེས་བརྗོད་ནས་སུ།། སྤོས་ཆུ་བཟང་པོ་བཏབ་པ་ཡི།། མེ་ཏོག་དག་ནི་སྔོན་བཞིན་དབུལ།། སྔགས་པས་རྟག་ཏུ་ཚིག་མཇུག་ལ།། གཏོར་མ་བདག་གིས་ཕུལ
378a3 བ་འདི།། བཞེས་སུ་གསོལ་ཞེས་བརྗོད་ནས་སུ།། གཏོར་མ་སྣ་ཚོགས་དབུལ་བར་བྱ།། མར་མེ་བདག་གིས་ཕུལ་བ་འདི།། བཞེས་སུ་གསོལ་ཞེལ་མཇུག་ཏུ་བརྗོད།། མར་གྱིས་ལེགས་པར་གང་བ་ཡི།། མར་མེ་དག
378a4 ནི་དབུལ་བར་བྱ།། གདུག་པ་བདག་གི་ཕུལ་བ་འདི།། བཞེས་སུ་གསོལ་ཞེས་མཇུག་ཏུ་བརྗོད།། བདུག་པ་ཐང་ཆུ་རྣམ་པ་ལྔ།། སྔགས་ཀྱིས་བཏབ་སྟེ་དབུལ་བར་བྱ།། དེར་ནི་མཆོད་པ་བྱས་ནས་ཀྱང་།། དཀྱིལ
378a5 འཁོར་དག་གམ་རི་མོ་ལ།། རང་གི་ཡན་ལག་བཀོད་པ་དག། དམ་ཚིག་ཅན་ལ་བསྟན་ནས་ནི།། མཐོང་བ་ཙམ་ནི་ཉིད་ཀྱིས་སུ།། རིག་འཛིན་དམ་ཚིག་ཅན་དུ་འགྱུར།། དེ་ནས་རྟོག་པ་ལས་གསུངས་པའི།། ལས
378a6 རྣམས་མྱུར་དུ་བྱེད་པར་འགྱུར།། དེ་ལྟར་ཁྲོ་བའི་རྒྱལ་པོ་ཡི།། མཆོད་པ་ལེགས་པར་བྱས་ནས་སུ།། སྒྲུབ་པ་པོ་ནི་མ་ཡེང་པར།། སྔགས་རྗོད་སླར་ཡང་གཤེགས་སུ་གསོལ།། སླར་ཡང་གཤེགས་པར་མཛད་ནས
iiif viewer powered by OpenSeadragon
