| e-texts navigator |
| Wylie |
377b1 རྩལ་གནོད་པས་ཉམས་ནས་སུ།། འཇིགས་ཤིང་སྤ་བཀོང་བྱེད་པས་འགྱུར།། ཟུང་ཤིག་པ་ཡི་ཚིག་གཉིས་ལྡན།། ཞལ་ཡང་གདངས་ཤིང་འབར་བ་ཅན།། སྙིང་པོ་དག་པར་རབ་ཏུ་གཞག། མཚོན་ཆ་འདེབས་པའི
377b2 མཐུ་རྩལ་ཅན།། དེ་ལྟར་ཁྲོ་བོ་རྒྱལ་བའི་གཟུགས།། ས་བོན་ཞེས་སུ་བྱ་བ་ཡི།། སྔགས་ཀྱི་དངོས་པོ་ཤེས་ནས་ནི།། སྔགས་པས་དངོས་གྲུབ་ཐོབ་པར་འགྱུར།། མཚོན་ཆ་འཕངས་པ་ཙམ་གྱིས་ནི།། དེ་ཡི་ཀུན་ཏུ་བསྲུང
377b3 བར་བྱ།། ས་བོན་བཀོད་པའི་ཚུལ་བཞིན་དུ།། བདག་གི་ལུས་ལ་སྦྱར་བར་བྱ།། གཟུགས་ནི་གཟུགས་ལ་བཞག་ནས་སུ།། མཚོན་ཆ་དེ་ཉིད་ལག་ན་ཐོགས།། ས་བོན་རྣམས་ཀྱང་ཁར་བཞག་སྟེ།། རྐང་པ་གཉིས་ཀྱང
377b4 ཚམ་ངམ་བྱ།། དེ་ནས་ཀུན་དུ་ཁྲོས་ནས་སུ།། རང་གི་ས་བོན་དགོད་པར་བྱ།། ཐོག་མ་བདག་ལ་མ་གཡེངས་པར།། སྲུང་བ་དེ་ལྟར་བྱས་ནས་སུ།། དཀྱིལ་འཁོར་དུ་ནི་སྤྱན་དྲངས་ཏེ།། དེ་ནས་མདུན་དུ་མཆོད་པ
377b5 བྱ།། སྔགས་ཀྱི་སྙིང་པོ་ཐ་མ་ལ།། ཚུར་གཤེགས་པ་ཡི་ཚིག་གཉིས་དང་།། རྟག་ཏུ་ལྡན་པར་བྱས་ནས་སུ།། སྤྱན་དྲངས་པ་དག་བྱ་བར་བཤད།། མེ་ཏོག་དག་གིས་གདན་འདི་ལ།། བཞུགས་སུ་གསོལ་ཞེས་རྟག་ཏུ
377b6 བྱ།། དེ་ལྟ་བུར་ནི་སྤྱན་དྲངས་ནས།། མེ་ཏོག་དག་གིས་སྔ་མ་བཞིན།། བཞུགས་ཤིག་པ་ཡི་ཚིག་གཉིས་ཀྱིས།། ཆོ་ག་བཞིན་དུ་བཞུགས་སུ་གསོལ། ཁྲོ་བོའི་རྒྱལ་པོ་དེ་ལ་ནི།། བཞུགས་པར་བྱ་བ་བསྟན་པ་ཡིན།། མེ
iiif viewer powered by OpenSeadragon
