| e-texts navigator |
| Wylie |
375a1 བཞིན་ཕྱི་མའི་ཕྱི་མ་འདི།། རྟོག་པ་མ་ལུས་རྒྱས་པ་དག། ལྷ་དེ་རྣམས་ཀྱིས་ལེགས་ཟོས་ནས།། འཇིག་རྟེན་འཇིག་རྟེན་འདས་པ་ཀུན།། ཐལ་མོ་རབ་ཏུ་སྦྱར་ནས་སུ། ཁྲོ་བོ་རྣམ་པར་རྒྱལ་བ
375a2 ནི།། གཤིན་རྗེའི་གཤེད་ལ་འདི་སྐད་སྨྲས།། བཅོམ་ལྡན་ཁྱོད་ཀྱིས་རྟོག་པ་འདི།། བསྒྲུབ་པ་རྣམས་ལ་ཕན་པའི་ཕྱིར།། རབ་ཏུ་ངོ་མཚར་བཤད་ལགས་ཏེ།། བཟླས་དང་ཧོམ་དང་མཆོད་ལ་སོགས། ཁྲོ་བོ་ཆེན་པོའི
375a3 བརྟུལ་ཞུགས་དང་།། དེ་བཞིན་དཀའ་ཐུབ་དྲག་པོ་དང་།། ཇི་སྐད་གསུངས་པའི་སྦྱང་བ་ཡིས། ཁྲོ་བོ་ཀཱི་ལི་ཀ་ལ་ལས།། སོགས་པའང་དུས་ལ་བབ་ན་ནི།། སྔགས་ཟློས་པ་ལ་དངོས་གྲུབ་སྟེར།། བཅོམ་ལྡན་འདས
375a4 ཀྱིས་རྟོག་པ་དང་། ཁྱད་པར་གྱུར་པ་ཅི་ཞིག་མཆིས།། དེ་བས་བཟླས་དང་སྦྱིན་སྲེག་དང་།། སྨྱུང་དང་བརྟུལ་ཞུགས་དཀའ་ཐུབ་དང་།། མེད་པར་རང་དབང་ཉིད་དུ་ནི།། དངོས་གྲུབ་དམ་པ་ཁྱོད་ཀྱིས་གསུངས།། ལྷ
375a5 མཆོག་དེ་དག་ཐམས་ཅད་ཀྱིས།། ཕྱག་འཚལ་དེ་སྐད་སྨྲས་པ་དང་། ཁྲོ་བོ་དྲག་ཏུ་བཞད་པ་ཡིས།། རབ་ཏུ་དྲག་པའི་ཚིག་ཏུ་གསུངས།། དྲག་ཏུ་བཞད་པའི་ཞལ་འཛུམ་པས།། ལྷ་ཡི་ཚོགས་རྣམས་འཇིགས་རྨོངས
375a6 ལ།། མ་འཇིགས་མ་འཇིགས་ཞེས་གསུངས་པའི།། ཕན་པའི་ཚིག་གིས་དབུགས་ཕྱུངས་ནས། ཁྱེད་རྣམས་ཀྱིས་ནི་གང་སྨྲས་པ།། སྒྲུབ་པ་བདག་ནི་མེད་པར་ཡང་།། སྦྱོར་བ་ཤེས་པས་གྲུབ་འགྱུར་བ།། ལྷ་རྣམས་ཀུན
iiif viewer powered by OpenSeadragon
