| e-texts navigator |
| Wylie |
373b1 དགའ་བར་བྱེད།། དེ་ནས་གྲོགས་པོ་ཡིད་གཅུགས་དང་།། སྒྲུབ་པ་པོ་ནི་ལྷན་ཅིག་ཏུ།། ངེས་པར་དམ་ཚིག་དག་གིས་ནི།། དེ་ཡི་གནས་སུ་འཇུག་པར་བྱ།། དེ་བཞིན་ཇི་ལྟར་འདོད་པ་རུ།། གནོད་སྦྱིན་མ་ཡི་མིང
373b2 རྣམས་དང་།། ཤ་ཟ་མོའང་དྲི་ཟ་མོ།། ཡང་ན་གང་འདོད་པ་ཡི་ལྷའི།། མིང་བྲིས་དེ་ཡི་མདུན་བཞག་ནས།། རི་མོ་ལ་ནི་ཉིན་རེ་ཞིང་།། དེ་ཡི་ཚིག་ནི་མཐར་སྦྱར་ནས།། མ་སྐྱོ་བར་ནི་འབུམ་བཟླས་ན།། སྒྲུབ་པ་པོ་དེས
373b3 འཇིགས་གྱུར་ནས།། དེ་དག་ཐམས་ཅད་འོང་བར་འགྱུར།། སྒྲུབ་པོ་ཅི་སྲིད་འདོད་པར་ནི།། འདི་རུ་ལས་རྣམས་བྱེད་པར་འགྱུར།། ལྷ་རྣམས་དག་ནི་ཐམས་ཅད་ཀྱང་།། གནོད་སྦྱིན་ལ་སོགས་བསྒྲུབ་བཤད
373b4 ཟིན།། འདི་ཡི་ཆོ་ག་ཕྱི་མ་ཡི།། ཕྱི་མ་དག་ཀྱང་བཤད་པར་བྱ།། རི་མཆོག་དག་གི་རྩེ་མོ་ལ།། ཡི་དྭགས་མང་པོའི་དཀྱིལ་འཁོར་བྲི།། ཡི་དྭགས་དཀྱིལ་འཁོར་བྲིས་ནས་ཀྱང་།། ཀུན་ལ་ཤ་ཡི་གཏོར་མ་བྱ།། གྲོགས་པོ
373b5 སེམས་ནི་དཔའ་བ་དང་།། ཡོན་ཏན་ལྡན་ཞིང་གཟོ་བ་དང་།། མི་རོའི་གོས་ལ་བྲིས་པ་ཡི།། རི་མོ་བཞག་ལ་དེ་ནས་སུ།། བདག་གི་ཡན་ལག་ཐམས་ཅད་ལས།། རུས་པ་དག་གིས་ཁྲག་བྱུང་ཏེ།། མི་ཡི་ཐོད་པའི་ནང་དུ
373b6 གཞག། ལུས་ལ་ཁྲག་ནི་ཅི་ཕྱིན་པ།། མི་རོའི་སྐྲ་ཡི་པིར་དག་གིས།། དེ་ནས་དེ་ཡི་ལུས་དག་དང་།། མིག་ཀྱང་རབ་ཏུ་གསལ་བར་བྱ།། དེ་ལ་བགེགས་ཀྱང་མང་དུ་འགྱུར།། དེ་ནས་དཔའ་བོས་བཤད་པར
iiif viewer powered by OpenSeadragon
