| e-texts navigator |
| Wylie |
372a1 པོའི་སྤྱན།། རི་མོ་དེ་ནི་ངེས་པ་རུ།། གཡོའམ་ཡང་ན་འགུལ་བར་འགྱུར།། དེ་ནས་ལྷ་དེ་གྲུབ་གྱུར་ནས།། གང་འདོད་པ་ཡི་ལས་རྣམས་བྱེད།། དེ་སྟེ་གྲུབ་པར་མ་གྱུར་ན།། གཞན་ཡང་ཚིག་འབུམ
372a2 བཟླས་པར་བྱས།། དེ་ནས་དེ་ཡི་མཐའ་མར་བསྒྲུབ།། དེས་ཀྱང་མ་གྲུབ་གསུམ་པོ་ལ།། མཚམས་མེད་ལྔ་རྣམས་བྱེད་པ་ཡང་།། གདོན་མི་ཟ་བར་འགྲུབ་པར་བྱེད།། གྲུབ་པའི་ལས་རྣམས་གང་དག་འདིར།། བྱེད་པར
372a3 འགྱུར་བར་བཤད་པར་བྱ།། བསྒྲུབ་པར་དཀའ་བའི་ལས་རྣམས་ཀྱང་།། ཡིད་ལ་གང་དང་གང་འདོད་པ།། དེ་དག་མཐར་ཕྱིན་མྱུར་བར་ནི།། རིག་སྔགས་འཆང་བས་བྱས་པར་འགྱུར།། རི་རྣམས་ཀྱི་ནི་རྩེ་མོ
372a4 དང་།། གཅོང་རོང་རྣམས་ནི་བསྙིལ་བར་བྱེད།། ས་ཡང་རབ་ཏུ་འགས་པར་བྱེད།། ཆུ་དག་ཀྱང་ནི་སྐམས་པར་ནུས།། དཔུང་རྣམས་མི་གཡོ་གནོན་པར་བྱེད། ཁྲག་གི་ཆར་ཡང་འབེབས་པར་བྱེད།། སྟོང་ངམ་ཡང་ན
372a5 འབུམ་ཡང་རུང་།། དེ་མ་ཐག་ཏུ་གསོད་པར་ནུས།། གནོན་པ་དང་ནི་རྨོངས་པ་དང་།། དེ་མ་ཐག་ཏུ་འབེབས་པར་བྱེད།། ཤིང་རྟའམ་ཡང་ན་གྲུ་དག་དང་།། གླང་པོ་མྱོས་པ་གནོན་པར་ནུས།། ཕ་རོལ་དཔུང་དག
372a6 འཁྲུག་པར་བྱེད།། ཡུལ་ཕྱོགས་མྱུར་དུ་རྨོངས་པར་ནུས། ཁྲོས་ནས་ས་ཡང་གཡོ་བར་བྱེད།། གླིང་དང་ནགས་ཚལ་སྲེག་པར་ནུས།། དེ་ནི་གང་གཱའི་མཚོ་ཡང་སྐེམས།། སྐམས་པ་དག་ཀྱང་འགེངས་པར་ནུས།། སྤྲིན
iiif viewer powered by OpenSeadragon
