| e-texts navigator |
| Wylie |
371b1 རྗེའི་གཤེད་པོ་ལྷའི་ལྷའོ།། ཨོཾ་ཨ་མྲྀ་ཏ་ཀུནྡ་ལི། སརྦ་བིགྷ་ནཱནྟ་ཏ་ཀྲིཏྟ་ན་ཧཱུཾ་ཧཱུཾ་ཧཱུཾ་ཕཊ། བདུད་རྩི་ཟབ་སྦྱོར་གྱིའོ།། ཨོཾ་བུདྡྷ་ལོ་ཙ་ནི་སྭཱ་ཧཱ། སངས་རྒྱས་སྤྱན་གྱིའོ།། དེ་ནས་གཞན་ཡང་བཟླས་པ་ཡི།། གནས་དག་ཇི
371b2 ལྟར་ཡིན་པར་བཤད།། དུར་ཁྲོད་ཡང་ན་རི་ཡང་རུང་།། ཚང་ཚིང་པདྨའི་མཚོ་འགྲམ་དུ། ཁྲོ་ཞིང་གཤིན་རྗེའི་གཤེད་པོ་ནི།། བཟླས་ན་དངོས་གྲུབ་ཐོབ་པར་འགྱུར།། ཀུ་ཤའི་རྩཝ་ཡི་སྟན་ལ་འདུག། རི་མོ་ལ་ནི་ཕྱོགས
371b3 འདུག་སྟེ།། ལག་པ་གཉིས་ཀ་བྲིས་བསྐུས་ནས།། རུ་དྲཱ་ཀྵ་ཡི་ཕྲེང་ཐོགས་ལ།། སྔགས་པས་རྟག་ཏུ་བཟླས་པར་བྱ།། དེ་བཞིན་བདུག་པ་ཨརྒྷ་དབུལ།། མྱུར་བ་དང་ནི་བུལ་བ་དང་།། དེ་བཞིན་ཡི་གེ་འདྲེས་པར
371b4 ནི།། ནམ་ཡང་སྨྲ་བར་ཡོང་མི་བྱ།། རྟག་ཏུ་རབ་ཏུ་གསལ་བར་སྨྲས།། ཆོ་ག་བཞིན་དུ་ཡིད་བསམས་ནས།། བུ་དོན་ལ་ནི་སེམས་བཞག་སྟེ།། སྐྱེ་བ་མེད་པའི་སེམས་ཀྱིས་ནི།། ཡི་གེ་གོ་རིམས་བཞིན་དུ
371b5 བཟླས།། འབུམ་གཅིག་བཟླས་པའི་ཐ་མ་ནི།། བསྒྲུབ་པར་བྱ་བ་བཤད་ཀྱིས་ཉོན།། མཚོ་ཡི་འགྲམ་དུ་དཀྱིལ་འཁོར་ནི།། དུར་ཁྲོད་མང་པོ་བྲི་བར་བྱ།། དེ་ཡི་ནང་དུ་རི་མོ་བཀྲམ།། སེམས་དཔའ་མཚན་མོ་ཞུགས
371b6 ནས་ནི།། གྲོགས་བཟང་སེམས་ཀྱང་མ་རྨོངས་པ།། གུ་གུལ་བདུག་པ་དེ་བཞིན་བསྲེག། ཟློས་ཤིང་སྣ་མའི་མེ་ཏོག་སྟོང་།། སྙིང་གར་ཕོག་པར་བྱ་ཞིང་དབུལ།། དེ་ནས་ཁྲོ་བོ་གཤིན་རྗེའི་གཤེད་རི་མོ་ལ་ཞུགས་ཁྲོ
iiif viewer powered by OpenSeadragon
