| e-texts navigator |
| Wylie |
371a1 འཇིགས་འཇིགས་ལྟ། ཁ་ཅིག་བཞད་ཅིང་ཁ་ཅིག་ནི།། ལྗགས་འདྲིལ་ཁ་ཅིག་མཆེ་བ་གཙིགས། ཁ་ཅིག་ཞལ་གདངས་ཁ་ཅིག་ཁྲོས། ཁ་ཅིག་འཇིགས་པ་ཕ་རོལ་གནོན། ཁྲོ་བོ་དེ་འདྲའི་ཞལ་འདྲ
371a2 བ།། སྨིན་མཚམས་སེར་ལ་སྤྱན་ཡང་སེར།། ཇི་སྐད་གསུངས་པའི་མཚོན་ཆ་རྣམས།། ཕྱག་ན་བསྣམས་པ་བྲི་བར་བྱ།། དབེན་ཞིང་འདུ་འཛི་མེད་པ་རུ།། སྔགས་པས་དེ་ལྟར་འདྲིར་གཞུག་གོ། དེ་ལྟར་བྲིས་ནས
371a3 སྔགས་མཁན་དེ།། རི་མོ་ལ་ནི་བལྟས་ནས་འདུག། ཆོ་ག་ཤེས་པས་འབུམ་བཟླས་ཏེ།། རི་མོ་བྲིས་པས་དེ་ཉིད་ཀྱིས།། དེ་ནས་བསྒྲུབ་ལ་འཇུག་པར་བྱ།། གཤིན་རྗེའི་གཤེད་པོ་དེ་ཡི་སྔགས།། དྲག་པོ་གང་ཡིན་དེ
371a4 བཤད་དོ།། ཨོཾ་ནི་དེ་ཡི་དབང་པོ་ཡིན།། ཨ་ཞེས་བྱ་བ་གཉིས་པ་ཡིན།། ཀྲོ་ཞེས་བྱ་བ་གསུམ་པ་སྟེ།། དྷེ་ཞེས་བྱ་བ་བཞི་པ་ཡིན།། ཀ་ཞེས་བྱ་བ་ལྔ་པ་ཡིན།། ཡ་ཞེས་བྱ་བ་གསང་བ་དྲུག། མཱན་ཞེས་བྱ་བ་བདུན་པ
371a5 སྟེ།། ཏ་ནི་བརྒྱད་པར་ཤེས་པར་བྱ།། ཀ་ནི་དགུ་སྟེ་ཧཱུཾ་དང་བཅུ།། དེ་བཞིན་ཕཊ་བྱ་ལྷག་པ་སྟེ།། མི་མཉམ་སྔགས་ནི་བཅུ་གཅིག་པའོ།། འཇམ་དཔལ་གྱི་ནི་ཁྲོ་བོ་མཆོག། གཤིན་རྗེའི་གཤེད་ཅེས་བྱ་བ་ཏེ།། ཆོ་ག་ཕྱི
371a6 མའི་ཕྱི་མ་སྟེ།། སངས་རྒྱས་ཀུན་གྱིས་མངོན་བསྟོད་པའི།། སྔགས་དེ་དེ་ལྟར་མནོས་ནས་སུ།། ཆོ་ག་མནོས་ནས་བཟླས་བྱས་ན།། རིག་འཛིན་གོ་འཕང་ཐོབ་པར་འགྱུར།། ཨོཾ་ཨ་ཀྲོ་དྷེ་ག་ཡ་མཱནྟ་ཀ་ཧཱུཾ་ཕཊ། གཤིན
iiif viewer powered by OpenSeadragon
