| e-texts navigator |
| Wylie |
370b1 བོའི་སྔགས་དག་དང་།། སངས་རྒྱས་སྤྱན་གྱི་སྔགས་དག་གིས།། བཙུད་ནས་མེ་ཏོག་འདོར་དུ་གཞུག། དེ་ནས་རིག་འཛིན་དཔལ་དང་ལྡན།། བདུད་རྩི་ཟབ་སྦྱོར་བཟླས་ནས་སུ།། ཕྲེང་བ་ཙནྡན་དཀར་ལ
370b2 སོགས།། མཆོད་པ་བྱས་ནས་སློབ་མ་ལ།། དེ་ནས་སངས་རྒྱས་སྤྱན་ཡང་བཟླས། ཁྲོ་བོ་གཤིན་རྗེའི་གཤེད་པོ་ནི།། འཇིགས་པ་ཕ་རོལ་གནོན་པ་སྦྱིན།། ལྷ་ཁྱོད་བདག་གིས་མནོས་སོ་ཞེས།། དེ་སྐད་སློབ་མས་ལན།
370b3 གསུམ་སྨྲས།། དེ་ནས་སྔགས་རིག་ཆོ་ག་བཞིན།། བླ་མ་དག་ལ་ཕྱག་བྱས་ནས།། ཆོ་ག་བཞིན་དུ་དབང་བསྐུར་བས། ཁྲོ་བོ་གཤིན་རྗེའི་གཤེད་པོ་བཟླས།། འཇམ་དཔལ་གྱི་རྩ་བའི་ཆོ་ག་ཞིབ་མོ་ཁྲོ་བོ་རྣམ་པར་རྒྱལ
370b4 བ་ཕྱི་མའི་ཡང་ཕྱི་མ་ལས་ཁྲོ་བོའི་རྒྱལ་པོ་གཤིན་རྗེའི་གཤེད་རིམ་པར་ཕྱེ་བ་སྟེ་བཅུ་དྲུག་པའོ།། །། དེ་ནས་གཞན་ཡང་གཤིན་རྗེ་ཡི།། གཤེད་པོའི་སྔགས་འདི་མནོས་ནས་སུ།། མི་རོ་དག་གི་གོས་བླངས
370b5 ནས།། དེ་ལ་དེ་ཡི་གཟུགས་ཀྱང་བྲི།། དེ་ནས་ཚོན་རྩི་སྦྱིན་མེད་པས།། བཟང་པོས་སྔ་མ་བཞིན་དུ་བྱ།། བཟང་པོ་ཁྲུ་གང་ཚད་དུ་བྱ།། ཡང་ན་ཁྲུ་བཞིའི་ཚད་དུ་བྱ།། གང་ཚེ་སྔགས་པ་བདག་ཉིད་ཀྱིས།། བྲི་བར་མི
370b6 ནུས་དེ་ཡི་ཚེ།། བཟོ་བོ་སྦྱང་བ་བྱས་པ་ནི།། ཁྲིམས་མནོས་པ་དག་འདྲི་རུ་གཞུག། ཤི་བའི་རོ་ཡི་སྟེང་དུ་གཞུག། ཕྱག་ནི་བཅཝ་བརྒྱད་རྣམས་ཀྱིས་བརྒྱན།། ཞལ་དྲུག་ཞབས་ཀྱང་དྲུག་ཏུ་བསྟན།། འཇིགས་པ་གནོན་པ
iiif viewer powered by OpenSeadragon
