| e-texts navigator |
| Wylie |
370a1 དྲུག། མི་རོ་མགོ་མེད་ཕྲེང་བ་ཡིས།། སེ་རལ་ཁ་ཡི་རྒྱན་དུ་བྱས།། མདུང་ཐུང་ཐོ་བ་ཞགས་པ་ཡི།། རལ་གྲི་ལྕགས་ཀྱུ་མཚོན་ཆ་ཐོགས།། ཤཱུ་ལ་རྡོ་རྗེ་དབྱུག་ཏོ་དང་།། བེ་ཅོན་མཚོན་ཆ་རྣམས་དང
370a2 ནི།། དེ་ལྟར་གཡས་པའི་ཕྱག་ན་བསྣམས།། གཡོན་པས་བསྡིགས་ཤིང་དྲིལ་བུ་དང་།། ཐོད་པ་བཟང་པོ་ཁ་ཊྭཱཾ་ག། མི་མགོ་རློན་དང་ཀེང་རུས་དང་།། འཇིགས་པའི་མི་རོ་དབྱུག་ཏོ་འབར།། དེ་དག་ཕྱག་ན་རྟག
370a3 ཏུ་ཐོགས། ཁྲོ་བོ་གཤིན་རྗེའི་གཤེད་པོ་ནི།། ཤི་བའི་རོ་ཡི་སྟེང་ན་བཞུགས།། འཇིགས་པ་མཚོན་གདེངས་འཇིགས་འཇིགས་ལྟ།། དུར་ཁྲོད་ན་ནི་རྟག་ཏུ་བཞུགས།། སྦྲུལ་དང་སྲིན་པོ་ཐམས་ཅད་འཇོམས།། ལྷ་རྣམས
370a4 ཀུན་ཀྱིས་ཕྱག་བྱས་ཤིང་། ཁྲོ་བོ་ཐམས་ཅད་ལེགས་པར་འདུད།། སྐུ་ནི་རབ་ཏུ་འབར་བ་ཅན།། འཁྲུག་ཅིང་རབ་ཏུ་ཟ་བ་རྣམས།། སྟག་ལྤགས་ན་བཟའ་མནབས་པར་དགྱེས།། འཇིག་རྟེན་ལྷ་ནི་ཁྲོ་བོ
370a5 རྣམས།། མཚོན་ཆ་དང་ནི་མཐུ་སྤངས་ནས།། རྗེས་སུ་འབྲང་ཞིང་ཕྱག་བྱས་པའི། ཁྲོ་བོ་གཤིན་རྗེའི་གཤེད་དྲན་བྱ།། དེ་ལྟར་འཇིགས་མེད་བྱས་ནས་སུ།། བདག་གི་སྔགས་ཀྱིས་དྲན་བྱས་ནས།། སྤྱན་དྲངས་ཙནྡན
370a6 གྱིས་བསྐུས་ནས།། མེ་ཏོག་མང་པོས་མཆོད་པར་བྱ།། རྟག་ཏུ་རིག་པ་འཛིན་པ་ཡིས།། ཙནྡན་དམར་པོ་དབུལ་བར་བྱ།། བདུག་པ་དང་ནི་གཏོར་མ་ཡིས།། རིམ་པ་བཞིན་དུ་མཆོད་ནས་ནི།། བློ་བ། སློབ།། མ་ཁྲོ
iiif viewer powered by OpenSeadragon
