| e-texts navigator |
| Wylie |
36b1 སྒྲུབ་ཐབས་འདི། འཇིགས་བྱེད་གཤིན་རྗེའི་གཤེད་པོ་ལ་ཕུལ་ལོ།། རབ་ཏུ་དམར་ཞིང་ཟངས་ལས་གྲུབ།། ཟངས་ལས་འབྲེལ་བའི་ཡུལ་དག་ལ།། རང་དབང་མེད་པར་དབང་བསྡུས་ནས།། འདུ་བའི་སེམས་དང
36b2 ལྡན་བྱས་ཏེ།། དབང་གི་དཀྱིལ་འཁོར་བཤད་པར་མཛོད།། ཅེས་པ་གཤིན་རྗེ་གཤེད་ལ་ཕུལ། གཤིན་རྗེ་གཤེད་པོས་བཀའ་སྩལ་པ།། ཉོན་ཅིག་ཟུང་ཞིག་རྡོ་རྗེ་འཛིན།། ཐམས་ཅད་དབང་དུ་བསྡུ་ཕྱིར
36b3 དུ།། ཟངས་སམ་དམར་པོའི་ས་དག་ལ།། དཀྱིལ་འཁོར་སྔ་མ་གོང་དང་འདྲ།། ལེགས་པར་ཁོད་སྙོམས་ཟིན་པ་དང་།། ཐིག་ནི་རབ་ཏུ་གདབ་པར་བྱ།། ལྟེ་བ་ཅན་ལ་རྩིབས་བརྒྱད་ལ།། ཀུན་ཏུ་ཟླ་གམ་དབང་གིས
36b4 མཛེས།། ལྟེ་དབུས་གཞུ་བདུངས་བྲིས་བྱས་ནས།། དེ་སྟེང་བདག་པོ་དམ་པ་གཞག། ཐམས་ཅད་མ་ལུས་མཆོག་ཏུ་དགུག། ཅི་ལ་བྱ་ཡང་ཐོགས་ཆགས་མེད།། ཅེས་ནི་ཡང་དག་བླ་མེད་དེས།། བཤད་པར་བྱས་ཏེ
36b5 རབ་ཏུ་བསྟན།། གཞན་ཡང་རབ་ཏུ་བཤད་བྱ་བ།། སེམས་ཀྱི་དཀྱིལ་འཁོར་དམ་པ་དེ།། བླ་མེད་ཡང་དག་ངེས་པའི་ལམ།། སངས་རྒྱས་བྱང་ཆུབ་ལ་སོགས་རྣམས།། གཞུང་ལས་འབྱུང་བའི་ཚིག་དོན་རྣམས།། མ
36b6 ནོར་གསུངས་པའི་བཀའ་བཞིན་དུ།། བསྒྲུབ་ན་འགྲུབ་པར་བཤད་པའོ།། དེ་དག་དགུག་པར་འགྱུར་བས་ན།། ཕལ་པ་གཞན་ལྟ་སྨོས་ཅི་དགོས།། སྡུད་དང་འདྲེན་པ་བྱང་ཆུབ་ལམ།། འདི་དག་གོ་འཕང་ཐོབ་བྱའི
iiif viewer powered by OpenSeadragon
