| e-texts navigator |
| Wylie |
36a1 ཕྱོགས་སྒོ་བ་དམ་པ་རྣམས།། སྔ་མ་བཞིན་དུ་བསྒོམས་ནས་ཀྱང་།། རང་སྔགས་སྐྱེས་བུས་དེ་བསྐྱེད་དོ།། ཨོཾ་ཨ་ཀྲོ་ཏེ་ཀ་པུཥྚི་པ་ལ་ནི་ཧཱུཾ། ཨོཾ་ཨ་ཀྲོ་ཏེ་ཀ་པུཥྚི་ཏི་བ་ཏ་ན་སྟཾ། ཞེས་པས་བདག་པོ་ཡབ
36a2 ཡུམ་ལ།། འཁོར་བཅས་འབྲུ་རེ་པ་ལས་བསམ།། རང་རང་བསྐྱེད་པ་དམ་པ་སྟེ།། སྔགས་དང་ལྡན་པར་ཏིང་འཛིན་བསམ།། གཞུག་དང་བརྟན་དང་མཆོད་པ་དང་།། ཕྱག་བྱེད་པ་ལ་སོགས་པ་ཡི།། ལས་ཀྱི་བྱ་བ
36a3 མ་ལུས་པ།། ཐམས་ཅད་མ་ལུས་ཚང་བར་བྱ།། བསྐྱེད་དང་གྲུབ་པའི་འབྲས་བུ་ནི།། རྒྱས་པར་བསྙེན་ཏེ་ཟག་མི་རིང་།། རང་གྲུབ་འབྲས་བུ་དེ་ལགས་སོ།། ཕྱོགས་དུས་ཀུན་ནས་གཤེགས་པ་ཡིས།། དངོས་གྲུབ་དམ
36a4 པ་རབ་སྟེ་ཤེས།། འདྲེན་པ་དཔའ་བོས་ཡང་དག་བཤད།། དེ་ནས་གཞན་ཡང་རབ་བཤད་པ།། དཀྱིལ་འཁོར་སྔ་མ་བཞིན་བྱས་ལ།། ས་ཞག་གསེར་ལས་གྲུབ་པ་ལས།། གཟུགས་ནི་དམ་པ་རབ་ཏུ་བྱ།། ཕྱིར་རྒན
36a5 གན་རྒྱལ་གནན་བྱས་ནས།། ཧཱུཾ་པུཥྚིཾ་ཨཱ་ཡུ་ཥེ་སྭཱ་ཧཱ། སྙིང་གར་བྲིས་ནས་བརྗོད་བྱ་བ།། སྙིང་པོ་སྔགས་ཀྱི་དམ་པ་སྟེ།། བླ་མེད་དམ་པས་རབ་ཏུ་བཤད།། ཨོཾ་བཛྲ་པུཥྚིཾ་ཨཱ་ཡུཿཕ་ལ་བ་ཤཾ་ཤྲཱི་པུཥྚི་སྭཱ་ཧཱ། བརྗོད་ན་ཐམས
36a6 ཅད་རྒྱས་པར་འགྱུར་རོ།། དཔལ་ཟླ་གསང་ནག་པོའི་རྒྱུད་ལས། ཐམས་ཅད་རྒྱས་པར་བྱ་བའི་སྐབས་ཏེ་ལེའུ་བཅོ་ལྔ་པའོ།། །། དེ་ནས་ཡང་ཕྱོགས་སྐྱོང་གི་གཤིན་རྗེ་རྣམས་ཀྱིས། ཕྲིན་ལས་དབང་གི
iiif viewer powered by OpenSeadragon
