| e-texts navigator |
| Wylie |
367a1 གཞན་ལ་མ་ཡིན་ནོ།། ཇི་སྐད་བསྟན་པའི་མཚོན་ཆ་རྣམས།། རྩ་བའི་རྟོག་པའི་ཆོ་ག་བཞིན།། སྔགས་རིག་སྦྱོར་བ་སྔ་མ་བཞིན།། དེ་དག་རྟག་ཏུ་ལེགས་པར་བསྒྲུབ།། དེ་ལ་འདིར་ནི་རྟོག་པ་རུ།། དུར
367a2 ཁྲོད་གནས་པའི་དཀྱིལ་འཁོར་ནི།། དངོས་གྲུབ་ཐམས་ཅད་རབ་སྦྱིན་པ།། བྱེ་བྲག་ཏུ་ནི་ལོགས་ཤིག་གསུངས།། རལ་གྲི་ས་འོག་རོ་ལངས་དང་།། མིག་འཕྲུལ་ཨཱཉྫ་གིའུ་ཝང་དང་།། ཡུངས་ཀར་བ་བླ་བཙག་རྣམས
367a3 དང་།། གཞན་ཡང་ལས་དག་ཅི་འདོད་དང་།། མི་སྣང་བ་དང་རྐང་མགྱོགས་དང་།། གསེར་འགྱུར་རྩི་དང་བཅུད་ཀྱིས་ལེན།། གནོད་སྦྱིན་མོ་རྣམས་བསྒྲུབ་པ་དང་།། ཀླུ་ཡི་བུ་མོ་ལ་སོགས་བསྒྲུབ།། དགུག་པའི་ཆོ་ག
367a4 དམ་པ་ཡི།། བུད་མེད་དམ་པ་སྤྱད་བསྒྲུབ་པ།། རྩ་བའི་རྟོག་པའི་ཆོ་ག་ཡིས།། ཚུལ་བཞིན་གནས་ནས་བསྒྲུབ་པར་བྱ།། དེ་ལས་འདི་ནི་ཁྲོ་བོ་འདི།། ཡི་གེ་འབྲུ་གཅིག་ཁྱད་པར་བཤད།། དེ་ནས་ཇི་སྐད་གསུངས
367a5 བསྟན་ཀུན།། མ་སྨོས་པ་ཡང་བསྒྲུབ་པར་བྱ།། འཇམ་དཔལ་ཁྲོ་བོའི་སྙིང་པོ་འདི།། ཧཱུཾ་ཞེས་བྱ་བ་རྒྱས་པ་སྟེ།། འདི་ནི་རྩ་བའི་ཆོ་ག་ཡིན།། བསྡུ་བ་ཡོངས་སུ་སྒྲགས་པའོ།། འཇམ་དཔལ་གྱི་རྩ་བའི་ཆོ་ག་ཞིབ་མོ་ཁྲོ་བོ
367a6 རྣམ་པར་རྒྱལ་བའི་ཕྱི་མའི་ཡང་ཕྱི་མ་ལས་ཁྲོ་བོ་གཤིན་རྗེའི་གཤེད་ཀྱི་རྩ་བའི་ཆོ་ག་ཞིབ་མོ་བསྡུས་པ་རིམ་པར་ཕྱེ་བ་སྟེ་བཅུ་བཞི་པའོ།། །། རྟོག་པ་མདོ་རུ་བསྡུས་པ་དང་།། རྒྱས་པ་དག་ཏུ་བཤད་པ
iiif viewer powered by OpenSeadragon
