| e-texts navigator |
| Wylie |
365b1 གིས་སྐུ།། རུས་པ་དག་གི་ཕྲེང་བ་ཡིས།། རྒྱན་དུ་བྱས་ནས་བརྟུལ་ཞུགས་སྤྱད།། འཇིག་རྟེན་འཇིག་པར་བྱེད་པ་ཡི།། གད་མོ་སྒྲ་ཆེན་དག་ཀྱང་འབྱིན།། དུར་ཁྲོད་དམ་ནི་ཤིང་གཅིག་གམ།། རིའམ་ཡང་ན་ཚལ་ཡང
365b2 རུང་།། མཁས་པས་ཟླ་བ་དྲུག་ཏུ་ནི།། ལྕི་བ་བཟའ་ཞིང་བརྟུལ་ཞུགས་སྤྱད།། བློ་ལྡན་གྲོང་དུ་ཡོང་མི་འཇུག། མཉམ་པར་བཞག་ཅིང་ཚིག་མི་སྨྲ།། གཙང་ཞིང་ཚངས་པར་སྤྱོད་པ་དུལ།། རྟག་ཏུ་བདེ་གཤེགས་སེམས
365b3 དང་ལྡན།། བྱང་ཆུབ་སེམས་དང་ཀུན་ལྡན་ཞིང་། ཁྲོ་བོའི་བརྟུལ་ཞུགས་གང་སྤྱོད་ཅིང་།། རྟག་ཏུ་བཟླས་ལ་བརྩོན་བྱེད་པ།། དེ་ནི་དངོས་གྲུབ་མཆོག་འཐོབ་འགྱུར།། གཤིན་རྗེ་རབ་ཏུ་འཇོམས་པ་འདི།། དངོས་གྲུབ
365b4 གཞན་དུ་ཡོང་མི་འགྱུར།། གོང་ཚེ་འདི་ཡི་བརྟུལ་ཞུགས་ནི།། བསྙེན་པར་བྱ་བར་མི་ནུས་ན།། དེ་ཚེ་ལྕི་བ་ཟ་ཞིང་ནི།། ཚུལ་བཞིན་བྱེ་བ་གསུམ་དུ་བཟླས།། བཟླས་པ་བྱས་པའི་ཐ་མར་ཡང་།། མཁས་པས་མཆོད་པ
365b5 རྒྱ་ཆེར་བྱ།། དེ་ནས་སྣ་མའི་མེ་ཏོག་སྟོང་།། རི་མོ་དག་ལ་ཕོག་པར་དབུལ།། རིག་པ་འཛིན་པའི་ལེགས་པ་རུ།། དེ་ཡི་ཕོག་པར་ཕུལ་ནས་ནི།། གང་ཚེ་རབ་ཏུ་འབར་གྱུར་པ།། དེ་ཚེ་རི་མོ་དེ་ཡིས་ནི།། ནམ་མཁར
365b6 འཕར་བར་གདོན་མི་ཟ།། དེ་ནས་རིག་འཛིན་ཐམས་ཅད་ཀྱི།། མཆོག་ཏུ་འགྱུར་ཏེ་ཐོག་མར་འགྲོ།། འོན་ཏེ་ཕོག་པར་ཕུལ་ན་ནི།། རབ་ཏུ་གཡོ་བར་གྱུར་ན་ནི།། ཆོ་ག་ཞིབ་ལས་བཤད་པ་བཞིན།། དེ་ལ་དངོས་གྲུབ
iiif viewer powered by OpenSeadragon
