| e-texts navigator |
| Wylie |
363a1 འཇོམས་པའི།། ས་བོན་ཡི་གེ་གཅིག་པ་འདི། ཁྲོ་བོའི་སྤྱན་སྔར་འདུག་ནས་སུ།། སྟོང་རྩ་བརྒྱད་དུ་བཟླས་པར་བྱ།། དེ་ཡི་འོག་ཏུ་མཁས་པ་ཡིས།། དུར་ཁྲོད་གནས་སུ་སློབ་མ་བཟུང་། ཁྲོ་བོ་གཤིན
363a2 རྗེའི་གཤེད་བྱེད་པ།། ཧཱུཾ་གི་ཞལ་ནི་ཟློས་ཤིང་གཟུང་།། བཙུད་ནས་དེ་ཡི་སྙིང་གར་ནི།། ཧཱུཾ་ཞེས་བྱ་བ་གཞག་པར་བྱ།། དེ་ནས་ཤུ་ལའི་ཕྱག་རྒྱ་ནི།། རས་ཀྱིས་གཡོགས་ཏེ་བཅིང་པར་བྱ།། སློབ་མ་དག་ལ་ལེགས
363a3 བསྟན་ནས།། དེ་ཡང་མཆོད་པ་བྱེད་དུ་གཞུག། དེ་ནས་གཤིན་རྗེ་རབ་འཇོམས་པའི། ཁྲོ་བོ་མངོན་པར་དབང་བསྐུར་ནས།། འཇམ་དཔལ་ཁྲོ་བོ་གཤིན་རྗེའི་གཤེད།། དེ་ཡི་ཡི་གེ་འབྲུ་གཅིག་སྦྱིན།། དེ་ནས་མཆོད་པ
363a4 ཡང་བྱས་ནས། ཁྲོ་བོ་དེ་ནི་གཤེགས་སུ་གསོལ།། ཤཱུ་ལ་ཕྱ་རྒྱ་བཅིངས་ནས་སུ།། དེ་བཞིན་རྟག་པར་གཤེགས་སུ་གསོལ། ཁྲོ་བོ་སྤྱན་ནི་དྲང་བ་དག། ཤཱུ་ལའི་ཕྱག་རྒྱ་ལྡན་པར་བྱ།། དཀོན་མཆོག་གསུམ་ལ་ཕྱག
363a5 འཚལ་ནས།། ཤཱ་ལ་རབ་ཏུ་བསྟན་པར་བྱ།། མཁས་པས་ལག་པ་གཉིས་དག་གིས།། སོར་མོ་ཕན་ཚུན་སྣོལ་ནས་སུ།། གུང་མོའི་སོར་མོ་མཆོག་གཉིས་ནི།། དབུས་ནས་གྱེན་དུ་སྒྲེང་ནས་བཞག། སྲིན་ལག་གཉིས་ནི
363a6 ནང་དུ་བཅུག། མཛུབ་མོ་གཉིས་ཀྱི་ནང་དུ་བཞག། དེ་ལྟར་དེ་གཉིས་བསྒྲེང་ནས་ནི།། ལྷག་མ་རྣམས་ནི་ལེགས་པར་བྱ།། གཤིན་རྗེའི་གཤེད་ཀྱི་ཕྱག་རྒྱ་འདི།། ཤཱུ་ལའི་ཕྱག་རྒྱ་ཞེས་གྲགས་པའོ།། འདི་ཡི་ལས
iiif viewer powered by OpenSeadragon
