| e-texts navigator |
| Wylie |
362b1 ཤེས་པར་བྱ།། དུར་ཁྲོད་གནས་སུ་བྱ་བ་སྟེ།། དུར་ཁྲོད་གནས་པ་གང་ཡིན་པའོ།། ཁྲུ་བརྒྱད་ལས་ནི་སྒོ་བཞི་པ།། ཡང་ན་ཁྲུ་བཞི་པ་ཡང་རུང་།། དུར་ཁྲོད་གནས་པ་བཟང་པོ་སྟེ།། དུར་ཁྲོད་ཐལ་བས་བྲི་བར་བྱ།། དེ
362b2 ཡི་དབུས་སུ་ཡི་དྭགས་ནི།། ཕྲེང་བ་དག་གིས་བརྒྱན་པ་བྲི།། སྒོར་ནི་ཡི་དྭགས་རོ་སྨད་གཞག། མཐའ་མ་དག་ཏུ་མགོ་བོ་གཞག། གྲ་བཞིར་ཤཱུ་ལ་བཞི་རྣམས་དང་།། ཐོད་པ་དག་ཀྱང་བྲི་བར་བྱ།། གལ་ཏེ་བྲི་བར་ནུས
362b3 ན་ནི།། མཁས་པས་དེ་དག་ཐལ་བས་བྲི།། དེ་སྟེང་དེ་དག་རི་མོ་ནི།། བྲི་བ་དག་ཏུ་མི་ནུས་ན།། དེ་ཚེ་ས་གཞི་བཟང་པོ་ལ།། ཙནྡན་དམར་པོས་བསྐུས་ནས་སུ།། དུར་ཁྲོད་གནས་སུ་དང་པོར་ནི།། སྔགས་པས་ཡི་གེ
362b4 དགོད་པར་བྱ།། དེ་ནས་གཤིན་རྗེའི་རབ་འཇོམས་པ།། དེ་རུ་སྤྱན་དྲངས་མཆོད་པར་བྱ།། འཇིགས་པའི་ཞལ་ནི་འབར་བ་དྲུག། དེ་བཞིན་ཞབས་ཀྱང་དྲུག་དང་ལྡན།། སྤྱན་གསུམ་ཆར་སྤྲིན་སྔོན་པོའི་མདོག། ཕྱག
362b5 ཀྱང་བཅཝ་བརྒྱད་དག་གིས་བརྒྱན། ཁྲོ་བོ་གཤིན་རྗེ་རབ་འཇོམས་པ།། གཟིགས་ལྤགས་ན་བཟར་གསོལ་བར་བགྱིས།། མཚོན་ཆ་བཟང་པོ་དུ་མ་བསྣམས།། ཡི་དྭགས་སྟེང་དུ་མཆོད་པ་བྱ།། འཇམ་དཔལ་ཁྲོ་བོ
362b6 གཤིན་རྗེའི་གཤེད།། ཆོ་ག་བཞིན་དུ་མཆོད་ནས་ཀྱང་།། མར་དང་སྦྲང་རྩི་སྦར་བ་ཡི།། འོ་མ་འབྲས་ཐུག་གཏོར་མར་དབུལ།། ཨ་ག་རུ་ཡི་བདུག་པ་དབུལ།། མར་མེ་དག་ནི་མར་ལས་བྱ།། དེ་ནས་གཤིན་རྗེ་རབ
iiif viewer powered by OpenSeadragon
