| e-texts navigator |
| Wylie |
362a1 ལུས།། ཕོངས་པ་དག་ལ་རྟག་ཏུ་སྦྱིན།། དེ་ལྟར་སྦྱིན་པའི་ཕ་རོལ་ཕྱིན།། དྲི་མ་མེད་པར་བསྒྲུབས་ནས་སུ།། དགེ་བ་འདི་ཡིས་སེམས་ཅན་ཀུན།། བདེ་བར་གཤེགས་ལྡན་དགེ་བར་འགྱུར།། བདེ
362a2 བ་ཐམས་ཅད་ཡོངས་རྫོགས་ཤིང་།། དགེ་བ་ཀུན་གྱི་སྣོད་གྱུར་ཅེས།། ཡིད་ཀྱིས་ཡོངས་སུ་སྔོ་བར་བྱ།། གང་ཞིག་དེ་ལྟར་སྔགས་བསྒྲུབ་ཀྱང་།། དྲི་མ་མེད་པའི་བྱང་ཆུབ་སེམས།། བདེ་བ་རྟག་ཏུ་སྤྱོད་པ་དེ།། དངོས
362a3 གྲུབ་རྟོག་ལས་གང་གསུངས་པ།། དེ་བཞིན་གཤེགས་པའི་ཞལ་ནས་བྱུང་།། ཐམས་ཅད་དེ་ལ་ཉེ་བར་གནས།། སྒྲུབ་པ་པོ་དེ་རྫུ་འཕྲུལ་གྱིས།། ཡོན་ཏན་ཀུན་དང་ལྡན་པར་འགྱུར།། དེ་ལྟར་འཇམ་དཔལ་ཁྲོ་བོ
362a4 ཡི།། ཞལ་ནས་གསུངས་པའི་ཆོ་ག་ནི། ཁྲོ་བོ་རྣམ་རྒྱལ་རྒྱ་ཆེར་བསྟན།། ཆོ་ག་ཐམས་ཅད་བསྡུས་པའོ།། འཇམ་དཔལ་གྱི་ཆོ་ག་ཞིབ་མོ་ཁྲོ་བོ་ཐམས་ཅད་རྣམ་པར་རྒྱལ་བའི་ཆོ་ག་ཞིབ་མོ་བསྡུས་པ་ལས་འཕགས་པ
362a5 འཇམ་དཔལ་གཤིན་རྗེའི་གཤེད་ཀྱི་ཆོ་ག་ཞིབ་མོ་ཕྱི་མའི་ཡང་ཕྱི་མ་རིམ་པར་ཕྱེ་བ་སྟེ་བཅུ་པའོ།། །། འཇམ་པའི་དབྱངས་ཀྱི་ཁྲོ་བོ་ཡི།། ཡི་གེ་གཅིག་པ་བཤད་ཟིན་ཏེ།། དེ་ནས་གཞན་ཡང་དེ་ཡི་ནི།། ཆོ་ག
362a6 ཞིབ་ཏུ་རྒྱ་ཆེར་བཤད།། གཤིན་རྗེ་རབ་ཏུ་འཇོམས་པ་ཡི།། ཞལ་ནི་ཧཱུཾ་ཞེས་བྱ་བར་བཤད།། དེ་ནས་འཇམ་དཔལ་ཁྲོ་བོ་ནི།། ཧཱུཾ་ཞེས་བྱ་བ་མཆོག་རིག་བྱ།། དེ་ཡི་དཀྱིལ་འཁོར་གཞན་ཡིན་ཏེ།། འདོད་པ་ཀུན་སྦྱིན
iiif viewer powered by OpenSeadragon
