| e-texts navigator |
| Wylie |
361a1 འདིར་བཤད་ཟིན།། ད་ནི་ཡི་གེ་འབྲུ་གཅིག་པ།། སྔགས་མཆོག་དག་ནི་གང་གསུངས་པ།། དེ་ཡི་ལས་ཀྱི་ཆོ་ག་བཤད།། དཔའ་བོ་བརྟུལ་ཞུགས་མེད་པར་ཡང་།། འཇམ་པའི་དབྱངས་ཀྱི་ཁྲོ་བོ
361a2 གང་།། མིང་ནི་གཤིན་རྗེའི་གཤེད་ཅེས་བྱ།། དེ་ཡི་སྙིང་པོ་མཆོག་དེ་ནི།། ཧཱུཾ་ཞེས་བྱ་བའི་ཡི་གེ་གཅིག། ཐོག་མར་ཨོཾ་བཞག་ཆོ་ག་བཞིན།། རི་མོའི་སྤྱན་སྔར་འདུག་ནས་སུ།། འདི་ནི་འབུམ་ཕྲག་བཅུར་བཟླས
361a3 ན།། དེ་ཡི་འོག་ཏུ་སྒྲུབ་ལ་འཇུག། དེ་ནས་དེ་ཡི་རི་མོ་མཆོག། དོན་རྣམས་ཐམས་ཅད་སྒྲུབ་པ་གཞན།། གང་གིས་དངོས་གྲུབ་རབ་ཐོབ་པ།། ཚུལ་བཞིན་དུ་ནི་རབ་ཏུ་བཤད།། རས་ནི་སར་པ་ཁྲུ་གང་ཙམ།། ལེགས
361a4 པར་བཀྲུས་ཤིང་དྲིས་བསྐུས་ལ།། ཚོན་རྩི་བཟང་པོ་སྦྱིན་མེད་པས། ཁྲོ་བོ་གཤིན་རྗེའི་གཤེད་བྲི་བྱ།། ཞལ་ནི་བགྲད་ཅིང་འཇིགས་པའི་གཟུགས།། སྨིན་མ་སེར་ཞིང་སྤུ་ཡང་སེར།། ཆར་སྤྲིན་ནག་པོའི་ཁ་དོག
361a5 འདྲ།། ཐོད་པ་དག་གིས་བརྒྱན་དུ་བྱས།། སྤྱན་གསུམ་དབུ་ཡང་གྱེན་དུ་བརྫེས།། ཞལ་གཅིག་པ་ལ་མདངས་ཀྱང་གསལ།། ཕྱག་གཉིས་པ་ལ་བེ་ཅོན་བསྣམས།། ཕྱག་གཡོན་པས་ནི་བསྡིགས་པར་མཛད།། ཞབས
361a6 ཀྱང་རབ་ཏུ་བཟང་པོ་གཉིས།། མ་ཧེ་ལ་ནི་ཆིབས་པར་བྱ།། སྟག་ལྤགས་ན་བཟའ་མནབས་པར་དགྱེས།། འཁྲུགས་ཅིང་འཇིགས་པའི་གསུང་ཡང་འབྱིན།། ཡན་ལག་ཐམས་ཅད་ཡོངས་རྫོགས་པ།། འོད་ཟེར་འབར
iiif viewer powered by OpenSeadragon
