| e-texts navigator |
| Wylie |
360a1 བྱ།། དེ་སྟེ་དེ་ཡི་སྔ་མ་བཞིན།། སུམ་འབུམ་དབུལ་བར་བྱས་ན་ནི།། གདོན་མི་ཟ་བ་གནོད་སྦྱིན་མ།། དེ་ཡི་དབང་དུ་འདི་འགྱུར་རོ།། ཆོ་ག་འདི་ཡིས་སྒྲུབ་པ་པོ།། རིན་ཆེན་དག་ཀྱང་ཐོབ་པར
360a2 འགྱུར།། དེ་སྟེ་སྔགས་པས་སྔ་མ་བཞིན།། མེ་ཏོག་སྣ་ཚོགས་མང་པོ་ནི།། ཙནྡན་དག་གིས་བསྐུས་པ་རྣམས།། དེ་ནས་སྔགས་པས་ཚིག་འབུམ་དུ།། ཆུ་ཡི་ནང་དུ་ཕུལ་ན་ནི།། ས་ཡི་སྟེང་ན་འདོད་པ་འཐོབ།། ཡང་ན
360a3 པདྨོ་དཀར་པོ་ནི།། མངར་གསུམ་དག་གིས་བསྐུས་པ་རྣམས།། མེ་འབར་ནང་དུ་ལེགས་བསྲེགས་ན།། དེ་ཡིས་དཔའ་བོ་མངོན་སུམ་མཐོང་།། དེ་ཡི་དེ་ལ་འདོད་མཆོག་དང་།། ནོར་དག་ཀྱང་ནི་རྙེད་པར་འགྱུར།། བློ
360a4 དང་ལྡན་པ་ཟས་ཀྱི་མཆོག། མར་དང་སྦྲང་རྩི་སྦྱར་བ་དག། ཞག་བདུན་དུ་ནི་གཟར་བུ་ཡིས།། དེ་ཡི་དེ་ལ་འདོད་མཆོག་དང་།། ནོར་དག་ཀྱང་ནི་རྙེད་པར་འགྱུར།། འབར་བའི་མེ་ལ་བསྲེགས་ནས་སུ།། ཡུལ་གྲུ
360a5 བདུན་རྣམས་རབ་ཏུ་འཐོབ།། འདི་ལ་རྣམ་པར་དཔྱད་མི་དགོས།། ཡང་ན་འབྲུ་རྣམས་ཐམས་ཅད་ཀྱིས།། སྦྱིན་སྲེག་དོན་རྣམས་ཐམས་ཅད་སྒྲུབ།། སྦྱིན་སྲེག་ཚིག་འཐམ་བྱས་པ་ཡིས།། དེ་དག་ཉིད་ནི་མི་ཟད
360a6 འགྱུར།། བིལ་བ་མར་གྱིས་བསྐུས་པ་འབུམ།། མེ་ནི་རབ་ཏུ་འབར་བ་ལ།། བསྲེགས་ནས་ས་ཡི་བདག་པོ་ལ།། ནོར་བཅས་དག་ནི་ཐོབ་པར་འགྱུར།། དུར་བའི་འཛག་མ་མ་གྲུབ་པ།། ན་མཿསྭཱ་ཧཱ་མཐར་ལྡན
iiif viewer powered by OpenSeadragon
