| e-texts navigator |
| Wylie |
35b1 འདས་འཇིགས་བྱེད་གཤིན་རྗེའི་གཤེད་ཆེན་པོ་ལ་ཕྲིན་ལས་རྒྱས་པའི་སྒྲུབ་ཐབས་ཕུལ་བ། རབ་ཏུ་སེར་ཞིང་གསེར་ལས་གྲུབ།། བཙོ་མ་འདྲ་བའི་དབྱིབས་ཅན་ལ།། དཔལ་རྒྱས་སེམས་དང་ལྡན་བྱས་ལ།། རྒྱས
35b2 པར་བྱ་བའི་སེམས་ཀྱིས་སུ།། རྒྱས་པའི་སྒྲུབ་ཐབས་བཤད་པར་མཛོད།། ཅེས་པ་གཤིན་རྗེ་གཤེད་ལ་ཕུལ།། གཤིན་རྗེ་གཤེད་པོས་བཀའ་སྩལ་པ།། ཉོན་ཅིག་ཟུང་ཞིག་རྡོ་རྗེ་འཛིན།། ཐམས་ཅད་རྒྱས་པར་བྱ་ཕྱིར
35b3 དུ།། ས་བཞི་གནས་དང་རི་རབ་སེར།། གྲུ་བཞི་ཁོད་སྙོམས་བཙོ་མ་འདྲ།། རྒྱས་པར་བྱ་བའི་སེམས་ཀྱིས་སུ།། དཀྱིལ་འཁོར་གྲུ་བཞི་པ་ཡི་ཚུལ།། ལྡོང་རོས་ཆག་ཆག་བཏབ་བྱས་ཏེ།། རྣལ་འབྱོར་དམ་པ་བློ་ལྡན
35b4 པས།། ཐིག་ནི་གདབ་པར་རབ་ཏུ་བརྩམ།། གསེར་ལས་གྲུབ་པའི་ཐིག་སྐུད་ལ།། དཔལ་དང་གཟི་མདངས་བསོད་ནམས་ཚོགས།། འཕེལ་ཞིང་རྒྱས་པའི་སེམས་དང་ཆས།། སློབ་མ་དམ་པ་ལས་གྲུབ
35b5 པར།། བསམས་ལ་ཐིག་ནི་གདབ་པར་བྱ།། ཕོ་བྲང་གསེར་ལ་རྩེ་མོ་གཡུ།། རྡོ་རྗེའི་བརྩིགས་པ་གསེར་ལས་གྲུབ།། གྲུ་ཆད་སྒོ་སྣམས་ལྕགས་ལས་གྲུབ།། རྣལ་འབྱོར་སྔགས་པ་བློ་ལྡན་པས།། ཐིག་བཞིར་རེ་ཆ
35b6 བརྒྱད་དུ་འགྱུར།། མཐའ་ནས་ཐིག་གདབ་མན་ངག་ཅན།། དེ་ལ་སོགས་པ་བསམ་པར་བྱ།། རིན་ཆེན་སྐྱིལ་ཀྲུང་འདུག་བྱས་ལ།། རིན་ཆེན་རིགས་ཀྱི་ངོས་སུ་བལྟ།། དབུས་སུ་གསང་སྔགས་བདག་པོ་སྟེ།། ཕྱོགས
iiif viewer powered by OpenSeadragon
