| e-texts navigator |
| Wylie |
355b1 བསྒྲུབས་དང་།། སྒྲུབ་པ་སྣ་ཚོགས་ཆོ་ག་འདིར། ཁྲོ་བོ་མཆོག་གིས་ཅི་གསུངས་པ།། མ་ལུས་པར་ནི་བཤད་པ་ཡིན། འཇམ་དཔལ་གྱི་རྩ་བའི་ཆོ་ག་ཞིབ་མོ་ཁྲོ་བོ་རྣམ་པར་རྒྱལ་བ་ལས་ཁྲོ་བོ་གཤིན་རྗེའི་གཤེད་ཀྱི་རྩ
355b2 བའི་ཆོ་ག་ཞིབ་མོ་རིམ་པར་ཕྱེ་བ་སྟེ་བརྒྱད་པའོ།། །། དེ་ནས་ཆོ་ག་ཕྱི་མར་ནི།། ཇི་ལྟར་བརྟུལ་ཞུགས་མེད་ཀྱང་རུང་།། དེ་ཕྱིར་ཁྲོ་བོ་བདག་ཉིད་ཀྱིས།། གསུངས་པ་དེ་ཡི་ཆོ་ག་བརྗོད།། སྔགས་ནི་ཡི་གེ་བཅུ
355b3 བདུན་པོ། ཁྲོ་བོ་ཞེས་ནི་གང་བརྗོད་པ།། དེ་ལ་ཐོག་མར་སྟོན་བཞིན་དུ།། རི་མོ་བྲིས་ལ་དེ་མདུན་དུ།། ཚུལ་བཞིན་དུ་ནི་མཆོད་པ་བྱ།། མཁས་པས་ཡང་ན་སྐུ་གཟུགས་ཀྱང་།། བྱེད་དུ་བཅུག་སྟེ་དེ་འོག་ཏུ།། མཁས
355b4 པས་བརྒྱད་འབུམ་བཟླས་པར་བྱ།། དེ་ཡི་མཐའ་མར་དཀོན་མཆོག་ནི།། གསུམ་པོ་དག་ལ་མཆོད་ཆེན་བྱ།། དེ་ཡི་འོག་ཏུ་ཁྲོ་མཆོག་ནི།། ཇི་སྐད་གསུངས་བཞིན་མཆོད་པ་བྱ།། འོན་ཀྱང་གྲུབ་སྟེ་དེ་ཡི
355b5 ཚེ།། འབྱུང་པོའི་གདོན་དང་དུག་རྣམས་དང་།། ཡིད་ལ་གང་དང་གང་འདོད་པ།། དེ་ཡིས་བསམ་པའི་ལས་ཀྱང་ནུས།། ནམ་ཡང་དངོས་གྲུབ་ཕྲན་ཚེགས་ལ།། དེ་ནི་སྦྱར་བར་མི་བྱའོ།། དུག་ལ་སོགས་ཏེ་གང་བརྗོད
355b6 པ། ལས་ཀྱི་རྣམས་ནི་ཚིག་གིས་བྱ།། གཞན་དུ་ཡེངས་པའི་ཚིག་གིས་ཀྱང་།། བདག་ཉིད་ཇི་ལྟར་འདོད་བཞིན་ནོ།། དེ་བཞིན་སེམས་ཅན་སྡང་རྣམས་ལ།། ཚར་གཅད་པ་དང་ཕན་འདོགས་ནུས།། གང་ཞིག་ནག
iiif viewer powered by OpenSeadragon
