| e-texts navigator |
| Wylie |
355a1 དང་།། ཤིང་རྣམས་རབ་ཏུ་ལྡེག་པ་དང་།། ས་ཡི་འོག་ཀྱང་གཡོ་བྱེད་ཀྱང་།། དེ་བཞིན་ཀླུ་རྣམས་བསྡིགས་པ་དང་།། མཚོ་ཆེན་དང་ནི་ལྡེང་ཀ་དང་།། ཀླུ་རྣམས་ཚར་གཅད་བྱ་བ་དང་།། གཞན་ཡང་གང
355a2 འདོད་བྱ་བ་ཡི།། ལས་ནི་རྣམ་པར་སྣ་ཚོགས་པ།། གསུངས་པ་དང་ནི་མ་གསུངས་པ།། མཁས་པས་རང་བཞིན་བློས་བརྟགས་ལ།། ཡུངས་ཀར་གྲུབ་པས་གཏོར་ཙམ་གྱིས།། ཐོགས་པ་མེད་པར་བྱེད་པར
355a3 འགྱུར།། ཡུངས་ཀར་དངོས་གྲུབ་ཀུན་སྦྱིན་པའི།། སྒྲུབ་པ་དག་ནི་བསྒྲུབས་ཟིན་ཏོ།། དཔའ་བོའི་བརྟུལ་ཞུགས་སྤྱོད་པ་ཡིས།། དེ་དག་ལ་སོགས་སྣ་ཚོགས་དང་།། སྔ་མ་བཞིན་དུ་སྣ་ཚོགས་དང་།། འབྲིང་རྣམས་ལ
355a4 སོགས་བསྒྲུབ་པར་བྱ།། ཁྲོ་བོ་མཆོག་གི་ཆོ་ག་འདི།། ལས་ནི་གང་དག་བཤད་པ་རྣམས།། དེ་དག་ཀུན་ལ་བརྟུལ་ཞུགས་ནི།། མེད་པར་བྱས་ན་འབྲས་བུ་མེད།། ཕྱག་རྒྱ་གཉིས་ཀྱི་ལས་རྣམས་ནི།། གང་དག་འདིར་ནི
355a5 བཤད་པ་རྣམས།། བརྟུལ་ཞུགས་བྱེད་ནི་མ་ནུས་ན།། དེ་ལྟར་ཁྲོ་བོ་མཆོག་འདི་ལ།། སྔོན་བཞིན་མཆོད་པ་བྱེད་པ་དང་།། ཇི་སྐད་བཤད་ཟིན་བཟླས་བྱས་པས།། ལས་རྣམས་ཇི་སྐད་བསྟན་པ་དང་།། དངོས་གྲུབ་ཇི
355a6 སྐད་བསྟན་པ་ཐོབ།། རྟག་ཏུ་བདེ་གཤེགས་སེམས་པ་དེས།། བརྟུལ་ཞུགས་རྟག་ཏུ་མི་རུང་ནའང་།། ཉིན་གཅིག་བཞིན་དུ་བཟླས་བརྗོད་ལ།། སྦྱོར་བས་འདོད་པས་དོན་རྣམས་འཐོབ།། དེ་ལྟར་བརྟུལ་ཞུགས་ཀྱིས
iiif viewer powered by OpenSeadragon
