| e-texts navigator |
| Wylie |
354b1 ཡི།། གང་དང་གང་དག་རེག་འགྱུར་བ།། དེ་ཀུན་དེ་ཡི་ལས་བྱེད་གྱུར།། ཕྱི་བཞིན་དུ་ཡང་འབྲང་བར་འགྱུར།། འདི་ལ་དཔྱོད་པར་ཡོང་མི་བྱ།། དེ་ནས་གཞན་ཡང་ཡུངས་ཀར་དག། ཤིན་ཏུ་ངོ་མཚར་དང་ལྡན
354b2 པ།། ཁྲོ་བོ་ཉིད་ཀྱི་ཇི་ལྟ་བར།། བསྒྲུབ་པའི་སྦྱོར་བ་གསུངས་པ་བཤད།། སི་ཏིའི་ཤིང་ལས་གབ་ཚེ་ཡང་།། བཟང་པོ་སོར་ནི་བརྒྱད་པར་བྱ།། དེ་ཡི་ནང་དུ་ཡུངས་ཀར་དགང་།། དངོས་གྲུབ་མཆོག་ནི་དེར་བླུགས
354b3 ལ།། ཟླ་བ་གཟས་ནི་ཟིན་བར་དུ།། ཉི་མ་རེ་རེ་བཟླས་བརྗོད་བྱ།། དཀྱིལ་འཁོར་ཆོ་ག་བཞིན་བྲིས་ནས།། གཏོར་མ་རྒྱ་ཆེན་དག་ཀྱང་བྱ།། གབ་ཙེ་ནང་གི་ཡུངས་ཀར་ཀུན།། སྒྲ་འབྱུང་བའམ་གས་ཀྱི་བར།། དེ་སྲིད
354b4 ཡུངས་ཀར་བཟླས་པར་བྱ།། དེ་ནས་ཡུངས་ཀར་གྲུབ་གྱུར་པ།། བླངས་ནས་གང་ཡང་རུང་བར་ནི།། ཆོ་ག་བཞིན་དུ་སྦྱར་བྱས་ནས།། དེ་ཡིས་མི་ནུས་ཅི་ཡང་མེད།། དེས་ནི་ས་ཡང་འགས་པར་བྱེད།། ཆུ་ཀླུང་དག
354b5 ཀྱང་སྐམས་པར་བྱེད།། རི་མཐོ་རྣམ་པ་མང་པོ་དག། ཕྱེ་མ་དག་ཏུ་རློག་པར་བྱེད།། དེ་བཞིན་རི་ཡི་རྩེ་མོ་ཡང་།། སྦྱར་ན་རབ་ཏུ་སྙིལ་བར་བྱེད། ཁྲག་དང་སོལ་བའི་ཆར་དག་ཀྱང་།། འབེབས་པར་བྱེད་དེ་ཐེ་ཚོམ
354b6 མེད།། གནམ་ལྕགས་དང་ནི་སེར་བ་དག། གློ་བུར་དག་ཏུ་འབབ་པར་བྱེད།། ས་གཡོ་བ་དག་སྤྲིན་བསྡུ་ལ།། རིག་པ་འཛིན་པས་སྦྱར་བྱས་ནས།། གློ་བུར་དུ་ཡང་ཐོགས་མེད་འགྱུར།། མཚོ་དང་རྒྱ་མཚོ་གཡོ་བ
iiif viewer powered by OpenSeadragon
