| e-texts navigator |
| Wylie |
34b1 སོགས།། ལེགས་པར་བསོགས་ཏེ་ལས་རྣམས་བྱ།། ཐེ་ཚོམ་མེད་པའི་སེམས་ཀྱིས་སུ།། མ་ལུས་གྲུབ་པའི་དོན་དུ་བཤད།། ཅེས་གཤེད་པོས་གསུངས་སོ།། དཔལ་ཟླ་གསང་ནག་པོའི་རྒྱུད་ལས། མཐར་བྱེད་ཀྱི་ལེའུ
34b2 སྟེ་བཅུ་གསུམ་པའོ།། །། དེ་ནས་ཕྱོགས་སྐྱོང་གི་གཤིན་རྗེ་རྣམས་ཀྱིས་ཐམས་ཅད་ཞི་བར་བྱེད་པའི་ཆེད་དུ། བཅོམ་ལྡན་འདས་ལ་ཕྲིན་ལས་ཞི་བའི་སྒྲུབ་ཐབས་འདི་ཕུལ་ལོ། རབ་ཏུ་དཀར་བའི་ཡུལ་དག
34b3 ལ།། མགུ་བའི་སེམས་དང་ལྡན་བྱས་ཏེ།། དད་པས་མགུ་བའི་ལས་བྱ་ཞེས།། གཤིན་རྗེ་གཤེད་པོ་ཉིད་ལ་ཕུལ།། གཤིན་རྗེ་གཤེད་པོས་བཀའ་སྩལ་པ།། ཉོན་ཅིག་ཟུང་ཞིག་རྡོ་རྗེ་འཛིན།། ཐམས་ཅད་ཞི་བར་བྱ་ཕྱིར
34b4 དུ།། ས་གཞི་གནས་དང་རི་བྲག་དཀར།། ཟླུམ་པོ་ཉམས་དགའ་བཀྲ་ཤིས་གནས།། ཞི་བའི་ལས་ཀྱི་དཀྱིལ་འཁོར་ནི།། ཟླུམ་པོ་དཀར་བའི་དཀྱིལ་འཁོར་བྲིས།། ལྟེ་བར་བཅས་པའི་རྩིབས་བརྒྱད་ལ།། མཁས་པས
34b5 བསྒྲིམ་སྟེ་བྲི་བར་བྱ།། དཀར་དང་ལྡན་པའི་ཟླ་གམ་ལ།། གཅིག་དང་གསུམ་ནས་མགོ་བཙུགས་ནས། ཁམས་གསུམ་རབ་ཏུ་མགུ་བའི་ཕྱིར།། ཉམས་སུ་ལེན་པར་བྱས་ལ་བསྒྲུབ།། དབུས་སུ་ཡེ་ཤེས་བདག་པོ
34b6 ལ།། ཤར་དུ་ནག་འཇོམས་ཆེན་པོ་སྟེ།། ལྷོ་རུ་ཡ་བ་ཏི་ཞེས་བྱ།། ནུབ་ཏུ་ཁྲོ་བོ་རྨིག་པ་ལ།། བྱང་དུ་བདུད་འཇོམས་དགོད་པར་བྱ།། ཤར་ལྷོ་ལྷོ་ནུབ་ནུབ་བྱང་དང་།། བྱང་ཤར་མཚམས་སུ་དགོད་པ་ནི།། གླང་མགོ
iiif viewer powered by OpenSeadragon
