| e-texts navigator |
| Wylie |
343a1 གེ་སར་དྲི་ཞིམ་པས།། མཆོད་ནས་བདུག་པ་མར་བཅས་པའི།། གུ་གུལ་མཁས་པས་བདུག་པར་བྱ།། དེ་ལྟར་བྱས་ན་ཁྱིམ་པས་ཀྱང་།། དེ་ལ་སེམས་ཤིང་བརྒྱ་བརྗོད་དེ།། ཅི་འབྱོར་པ་ཡི་མཆོད་པའི
343a2 བཤོས།། དེ་ཡི་སྤྱན་སྔར་དབུལ་བར་བྱ།། སྔར་བསྙེན་ལ་སོགས་མེད་པས་ཀྱང་།། དེ་ལྟར་སྦྱོར་བས་ཟླ་དྲུག་གིས།། རྐུན་པོ་དང་ནི་དགྲ་མེད་ཅིང་།། ཐེ་ཚོམ་མེད་པར་རྒྱལ་སྲིད་འཐོབ།། མ་གྲུབ་པས་ཀྱང་ཡུལ་རྙེད
343a3 པ།། ལས་འདི་གདོན་མི་ཟ་བར་ནི།། ཏེ་ན་འབུམ་ནི་རྙེད་པར་འགྱུར།། ལོངས་སྤྱོད་སྦྱིན་པའི་གཟུགས་ལ་ནི།། ཙནྡན་གུར་གུམ་ཨ་ཀ་རུ།། བདག་གིས་ལེགས་པར་བསྐུས་ནས་ནི།། མེ་ཏོག་ཕྲེང་བས་རབ་ཏུ
343a4 མཆོད།། མེ་ཏོག་དཀར་པོའི་ཕྲེང་བ་ཡིས།། ཉིན་གཅིག་བཞིན་དུ་མཆོད་བྱས་ནས།། མར་དང་ལྡན་པའི་གུ་གུལ་ལམ།། ཀུན་ཏུ་རུ་ཡི་བྱུག་པ་འབུལ།། མེ་ཏོག་ཨ་ཏི་མུག་ཏ་ག། རེ་རེ་ཆོ་ག་བཞིན་བཟླས
343a5 ས། མཇུག་ཏུ་འབུམ་ནི་དབུལ་བར་བྱ།། དེ་ནས་ལོངས་སྤྱོད་ཆེན་པོ་རྣམས།། དེ་ཡི་མཇུག་ཏུ་འབྱུང་འགྱུར་ཏེ།། དེ་ལ་སྐྲོད་པ་དོགས་པ་མེད།། ནད་མེད་བྱེད་པའི་གཟུགས་ལ་ནི།། ཙནྡན་དམར་པོས་བསྐུས་ནས
343a6 ཀྱང་།། ཐང་ཤིང་གི་ནི་བདུག་པ་དག། ཕུལ་ནས་མེ་ཏོག་གཙང་མ་ཡིས།། མཆོད་པ་བྱས་ནས་ཅི་འབྱོར་བ།། མཆོད་པའི་བཤོས་ནི་དབུལ་བར་བྱ།། མཇུག་ཏུ་ནད་སེལ་དང་ལྡན་པའི། ཁྲོ་བོའི་སྔགས་ནི་དེ་བཟླས
iiif viewer powered by OpenSeadragon
