| e-texts navigator |
| Wylie |
339a1 རྒྱ།། མཁས་པས་ཆོ་ག་བཞིན་བཅིངས་ནས། ཁྲོ་བོའི་གཙོ་ཟེ་རོ་ལངས་ནི།། བདག་གི་སྙིང་གར་གཞག་པར་བྱ།། དེ་བཞིན་བེ་ཅོན་ཕྱག་རྒྱ་ཡང་།། ཤིན་ཏུ་དྲག་པའི་མཚོན་ཆའི་གནས།། ལག་པ
339a2 གཡས་པས་བཅིངས་ནས་ནི། ཁྲོ་བོའི་ཆོ་ག་ལ་འཇུག་བྱ། ཁྲོ་བོའི་མཆོད་པ་བཤད་པ་ནི།། འདོད་པ་ཐམས་ཅད་སྟེར་བར་བྱེད།། ཡི་དྭགས་ཕལ་ཆེན་དཀྱིལ་འཁོར་ནི།། གཞན་ཡང་རྟག་པར་སྐུ་གཟུགས་དང་།། ཇི
339a3 སྲིད་བསྟན་པའི་རི་མོ་ལ།། ཡིད་ཀྱིས་མཆོད་པ་བྱ་བར་བསྒྲགས།། ལྷ་ཡི་མེ་ཏོག་དྲི་ཞིམ་པས།། བིལ་བའི་ལོ་མ་བཟང་པོ་དང་།། སྤོས་ཆུ་དག་གིས་ས་ལའམ།། ཡང་ན་སྐུ་གཟུགས་དག་ལ་མཆོད།། དགོས་པ་ཀུན་གྱི
339a4 དོན་སྒྲུབ་པ།། སྐུ་གཟུགས་མཚན་ཉིད་བཤད་པར་བྱ།། སྔར་བསྙེན་ཆོ་ག་བཞིན་དུ་བྱས།། དེ་ནས་སྐུ་གཟུགས་བྱེད་དུ་གཞུག། གསེར་རམ་ཡང་ན་དངུལ་ཡང་རུང་།། དེ་བཞིན་འཁར་བའམ་ཟངས་ལ་བྱ།། ར་གན
339a5 ཨིནྡྲ་ནཱི་ལ་དང་།། མཆིང་བུ་ཤེལ་དང་རིན་ཆེན་ཏེ།། རྒྱལ་སྲིད་འདོད་པས་གསེར་ལ་བྱ།། ལོངས་སྤྱོད་འདོད་པས་དངུལ་ལ་བྱ།། ནད་རྣམས་བཤིག་ཕྱིར་འཁར་བར་བྱ།། ཟངས་ནི་འདོད་པ་རབ་ཏུ་སྟེར།། དགྲ
339a6 རྣམས་བཤིག་ཕྱིར་ར་གན་ནོ།། རང་གི་ལོངས་སྤྱོད་འཕེལ་བའི་ཕྱིར།། ཨིནྡྲ་ནཱི་ལ་དག་ལས་བྱ།། མཆོག་དང་འདོད་པ་ཐམས་ཅད་སྟེར།། མཆིང་བུ་རྣམ་པ་སྣ་ཚོགས་པས།། ནོར་སྟེར་བར་ནི་ཤིན་ཏུ་གྲགས།། དྲི་མེད
iiif viewer powered by OpenSeadragon
