| e-texts navigator |
| Wylie |
338b1 བྱ།། དེ་བཞིན་རི་རྩེར་འབུམ་བཟླས་ན།། འགྲུབ་པར་འགྱུར་ཏེ་གཞན་དུ་མིན།། ཕྱིས་ནི་མཁས་པས་ཅི་འདོད་པར།། སྒྲུབ་པ་ལ་ནི་འཇུག་པར་བྱ།། དེ་ནས་ཁྲོ་བོ་རྣམ་རྒྱལ་གྱི།། མངོན་དུ་བསྙེན་པ་ལ་སོགས
338b2 རྣམས།། སྒྲུབ་པ་པོ་ལ་ཕན་པའི་ཕྱིར།། ཆོ་ག་མདོར་ནི་བཤད་པར་བྱ།། གཅིག་ཏུ་དཔའ་བའི་ཁྲོ་བོ་ཉིད།། བདུད་རྣམས་ཐམས་ཅད་ཚར་གཅོད་པ།། དངོས་གྲུབ་ཐམས་ཅད་རབ་སྩོལ་ཅིང་།། འཚེ་བ་ཐམས་ཅད་རབ
338b3 གསལ་བ།། ཐོག་མར་ཁྲོ་བོའི་རྒྱལ་པོ་ཡི། ཁྲུས་ཀྱི་ཆོ་ག་ཉིན་རེ་བྱ།། དེས་ན་ཁྲོ་བོ་བསྐུལ་བ་ཡིས།། བསྲུང་བ་རང་གི་ལུས་ལ་བྱ།། བྷཾ་གྱི་ས་བོན་ལས་བྱུང་བའི།། ཡིད་ཀྱིས་པདྨའི་སྟན་ལ་འདུག། བདག་ཉིད་དེ་ཡི
338b4 སྟེང་དུ་ཡང་།། ས་བོན་ཧཱུཾ་ལས་གྱུར་པའི་སྐུ།། བསྒོམ་པར་བྱས་ཏེ་བརྟགས་ནས་ཀྱང་།། བདག་གི་སྤྱི་བོར་ཡི་གེ་ཨོཾ།། མིག་གཉིས་སུ་ནི་ཡི་གེ་ཨཱཿ།། བསྲུང་བར་བྱས་ཏེ་དེ་ནས་ཡང་།། སྔགས་ནི་ཡི་གེ་བཅུ་བདུན
338b5 པ།། བཟླས་ཏེ་དེ་བཞིན་གཤེགས་དྲན་ནས།། རང་གི་ལུས་ལ་སྔར་བཞག་པའི།། སྙིང་གར་ཡི་གེ་ཧཱུཾ་གཞག་བྱ།། དེ་ནས་ཁྲོ་བོའི་མཚོགས་མ་ཡིས།། བདག་གི་མཚོགས་མར་རེག་པར་བྱ།། ཁྲོ་བོའི་སྤྱི་གཙུག་དཔྲལ
338b6 བ་སྟེ།། ཕྱིས་ནི་གཙུག་ཏུ་གཞག་པར་བྱ།། དེ་ནས་ལུས་ལ་གོ་ཆ་ཡང་།། ལག་པས་གོ་ཆ་བཞིན་དུ་བྱ།། དེ་ནས་བདག་གི་ལག་གཉིས་ལ།། བློ་དང་ལྡན་པས་མཚོན་ཆ་དགོད།། རང་གི་དམ་ཚིག་ལྡན་པའི
iiif viewer powered by OpenSeadragon
