| e-texts navigator |
| Wylie |
32a1 ཞལ་ནས་ཁྲག་ཀྱང་འཛག། ཐལ་ཆེན་ཁྲག་དང་ཞག་གི་ཚོམ་བུ་བྲིས།། གསང་མཚན་དམར་གྱི་ཐིག་ལེས་བརྒྱན་པ་སྟེ། ཁྱོད་ནི་མི་ནད་ཕྱུགས་ནད་ཀུན་གྱི་བདག། ཆིབས་སུ་དྲེའུ་རྟ་རྐང་གསུམ་བསྐྱོད
32a2 ནས་ནི།། དུར་ཁྲོད་ཀུན་ཏུ་རྒྱུ་བའི་མཐུ་མོ་ཆེ།། མ་མོའི་གཙོ་མོ་དཔག་ཚད་བརྒྱད་ཁྲིར་རྒྱུག། སྔགས་འཆང་རྣལ་འབྱོར་ཆེན་མོ་དམ་ཅན་མ།། བདག་གི་དགྲ་བགེགས་ཁུག་ལ་མྱུར་དུ་སྒྲོལ།། ཧཱུཾ་ང་རྒྱལ་ཁྲོ་བོ་བྱང་ཆུབ
32a3 སེམས་ཀྱི་བདག། ཡབ་ཡུམ་གཉིས་མེད་ཐུགས་ལས་སྤྲུལ་པའི་སྲས།། ཡ་མ་རཱ་ཛ་ཁྱེའུ་ཆུང་སྔོན་པོའི་སྐུ།། མཐིང་ནག་མེ་དཔུང་འབར་བའི་ཀློང་ན་བཞུགས།། དུར་ཁྲོད་གནས་ཀྱི་མ་སྲིན་དབང་དུ་སྡུད།། སྐུ་མདོག།
32a4 ནག་པོ་དུག་ཆེན་འཁྱིལ་བ་འདྲ།། ཆུ་ནག་རླབས་བཞིན་འོད་ཕུང་ནག་པོར་འཕྲོ།། མ་ཧེ་གླང་རྒོད་ཆིབས་ཤིང་འོད་ཕུང་འབར།། ལས་ཀྱི་གཤིན་རྗེ་རྣམས་ཀྱི་ཁ་ལོ་བསྒྱུར།། འཁོར་ལོ་རལ་གྲི་བེ་ཅོན་སྡིགས་མཛུབ
32a5 ཞགས།། ཕྱག་ན་བསྣམས་ཤིང་གིང་བདུད་ལས་ལ་གཏོང་།། མཆེ་བ་དཀར་པོ་གཙིགས་ཤིང་དགྲ་བགེགས་སྒྲོལ།། ཧཱུཾ་ཕཊ་སྒྲ་སྒྲོགས་མ་མོ་འབངས་སུ་འཁོལ།། མི་ཤ་རྟ་ཤ་མ་ཡིན་གཞན་གྱི་ཤ་མི་ཟ།། མི་ཁྲག་རྟ
32a6 ཁྲག་མ་ཡིན་གཞན་གྱི་ཁྲག་མི་འཐུང་།། ཐུགས་ཀྱི་སྲས་མཆོག་ཡ་མ་རཱ་ཛ་ཁྱོད།། འགྲོ་བ་མི་ཡི་བདུད་དུ་ཁྱོད་ཉིད་ལྡང་།། རྨད་དུ་བྱུང་བའི་མཆོད་པ་འདི་བཞེས་ལ།། བདག་གིས་བཅོལ་བའི་ལས་འདི་བསྒྲུབ་པར
iiif viewer powered by OpenSeadragon
