| e-texts navigator |
| Wylie |
327b1 བློ་ལྡན་གྱིས།། མགོ་མེད་རོ་ཡི་སྟེང་དུ་གཞག། ཞལ་དྲུག་པ་ལ་ཞབས་ཀྱང་དྲུག། དེ་བཞིན་ཕྱག་ནི་བཅུ་གཉིས་པ།། རབ་ཏུ་འབར་བ་དྲག་པོའི་གཟུགས།། སྔ་མ་བཞིན་དུ་གཞག་པར་བྱ།། ཡི་དྭགས་མང་པོ་སྦྱར་བ
327b2 ནི།། སྔ་མ་བཞིན་དུ་བཞག་ནས་ནི།། མེ་ཏོག་བདུག་པ་ཕྲེང་ལ་སོགས།། སྔགས་པས་དེ་ལ་མཆོད་པར་བྱ།། འདིར་ནི་གཏོར་མ་གསུངས་པ་ཡང་།། ཤ་ཆེན་གྱིས་བྱ་གཞན་དུ་མིན། ཁྲག་གི་གཏོར་མའི་ཆོ་ག
327b3 དང་།། དེ་བཞིན་བདུག་པའང་ཀུན་སྨེ་བའོ།། དེ་ནས་དཔལ་ལྡན་རིག་འཛིན་པས།། རོ་ལངས་ཕྱག་རྒྱ་བཅིངས་ནས་ནི།། གཏོར་མ་མེ་ཏོག་ལ་སོགས་དབུལ།། རྣམ་པ་ཀུན་ཏུ་ཁྲོ་བོས་བྱ།། དཀྱིལ་འཁོར་དུ་ནི་འཁོར
327b4 ཡུག་གི།། ཕྱོགས་བརྒྱད་དག་ཏུ་མར་མེ་དགོད།། དུར་ཁྲོད་དག་གི་མགལ་དུམ་མམ།། ཡང་ན་གསལ་ཤིང་དག་གིས་བུད།། སེང་ལྡེང་དག་གི་གཟར་བུ་ཡིས།། ཚིལ་ཆེན་དག་ལ་ལན་བདུན་དུ།། ལྷོ་ཕྱོགས་མེ་ལས
327b5 བསྲེགས་ནས་ནི།། དེ་ནས་ཁྲོ་བོ་བསྒྲུབ་པར་བྱ།། དེ་ལ་སྔོན་དུ་བསྙེན་པ་དང་།། བཟླས་པ་དག་ནི་བསྟན་པ་མིན།། རིག་འཛིན་ཉིད་ཀྱི་སེམས་སྟོབས་ཉིད།། འདི་ཡི་རྒྱུར་འདི་ཤེས་པར་བྱ།། ལྷོ་ཕྱོགས་སྒོར་ནི་ནན
327b6 ཏན་ཏུ།། རྨ་མེད་པ་ཡི་རོ་བཞག་སྟེ།། སྙིང་གར་རོ་ལངས་རྒྱ་བཞག་ལ།། དེ་ལ་རབ་ཏུ་བསྐོར་བར་བྱ།། དེ་ནས་ཁྲོས་པ་ཆེན་པོ་ཡིས།། ཤིན་ཏུ་བཀྲུས་ཤིང་ལེགས་པར་བརྒྱན།། དྲི་དང་མེ་ཏོག་དམར་སྔོན
iiif viewer powered by OpenSeadragon
