| e-texts navigator |
| Wylie |
326a1 མར་ཨོཾ་བཞག་ལ།། ཨོཾ་ཞེས་བྱ་བ་གཞན་ཡང་གཞག། ཨཱཿཞེས་བྱ་བ་གཉིས་པའོ།། དེ་ཡི་ཚིག་གི་མཇུག་ཏུ་ཧཱུཾ།། བཞག་སྟེ་དེ་ནས་ཚིག་རྣམས་ཀུན།། དེ་ལྟར་ཀྲོ་ཏ་བི་ཛ་ཡ།། ཨགྣི་ཛཱ་ལི་ཛི་ཧཱ་ཏ
326a2 ཤིར།། ཚིག་རྣམས་གཞན་ནི་བརྗོད་པར་བྱ།། དེ་ནས་དེ་ཡི་ཐ་མར་ཧཱུཾ།། དེ་བཞིན་ཚིག་གི་ཐ་མར་ཨོཾ།། ཐ་མར་ཨཱཿགཞག་དེ་ཡི་མཐར།། ཧཱུཾ་དང་སི་ཏི་ལན་གཉིས་བསྒོམ།། པྲ་ཕུ་ཏ་ཞེས་ལན་གཉིས་བསྒོམ།། དེ་ནས
326a3 དེ་བཞིན་གཤེགས་པ་ཡི།། བཀའ་རྣམས་ཐམས་ཅད་བསྒྲུབ་པར་བྱ།། ཁྲོ་བོའི་གཙོ་བོ་དེ་ཡི་ནི།། བཀའ་བཞིན་བྱེད་དེ་དེ་བཞིན་འགྱུར།། གང་གི་མངོན་དུ་བསྙེན་བྱ་བ།། དེ་ཡི་བསྐུལ་བའི་ཆོ་ག་ནི།། ཇི་སྐད
326a4 གསུངས་པའི་ལས་རྣམས་ལ།། མ་གྲུབ་ན་ནི་ངེས་པར་བྱ།། གཞན་དུ་སྔགས་ནི་གཟིར་བྱས་ན།། བདག་ཉིད་ངེས་པར་འཆི་བར་འགྱུར། ཁྱད་པར་དུ་ནི་དཔའ་བོ་ཡི། ཁྲོ་བོའི་གཙོ་བོའི་སྙིང་པོ་འདི།། ཕྱག་རྒྱ་འདིས
326a5 ནི་གཟིར་བྱས་ན།། འགྲོ་བ་མ་ལུས་འཁྲུག་པར་འགྱུར།། འདི་ནི་གང་ལ་བཟླས་པ་ཡི།། སྔགས་རྣམས་དེ་ལ་དགོས་མེད་པར།། འཇིག་རྟེན་འཇིག་རྟེན་འདས་པ་དང་།། དེ་དག་ཀུན་གྱི་ལུས་ཀྱང་ཆད།། ཕྱག་རྒྱ
326a6 འདིས་ནི་གཟིར་ན་ནི།། དཔག་ཚད་བདུན་གྱི་དཀྱིལ་འཁོར་ན།། གཞན་གྱི་སྔགས་རྣམས་གང་ཡོད་དང་།། དགྲ་རྣམས་དྲེགས་པ་མེད་པར་བྱེད།། འབྱུང་པོ་སྐྲག་པར་བྱེད་པ་དང་།། དེ་བཞིན་ལྷ་རྣམས་འཁྲུགས་པར
iiif viewer powered by OpenSeadragon
