| e-texts navigator |
| Wylie |
325a1 བརྐྱང་བ་ཡི་ཚུལ་གནས་ནས། ཁྲོས་པས་རི་རྩེ་བགྲོད་དཀའ་དང་།། ར་བ་ཡང་ཐོག་སྒོ་ཁང་དང་།། པུ་ཤུ་ཁ་བད་ར་བ་དག། སྐད་ཅིག་གིས་ནི་བསྙིལ་བར་བྱེད།། དྷ་ར་བྷི་སྥོ་ཊ་བཉྫ་བཉྫ་ཞེས།། བསྐུལ
325a2 པའི་མཇུག་ཏུ་ཧཱུཾ་བརྗོད་ན།། རི་བོ་དག་ནི་མང་པོ་དང་།། དེ་བཞིན་ལྷ་མིན་སྒོ་དག་དང་།། དེ་བཞིན་གཞན་དང་ས་དག་ཀྱང་།། ཇི་ལྟར་འདོད་པ་འགས་པར་བྱེད།། པཱ་ཙ་བི་དྷ་ན་སཾ་ཤེ་ཞེས།། བསྐུལ་ནས་ཐ་མར་ཧཱུཾ
325a3 བརྗོད་ན།། ཕྱག་རྒྱ་འདི་ཡིས་ཆུ་རྣམས་ནི།། ཐོགས་པ་མེད་པར་སྐེམ་པར་བྱེད།། མཚོ་ཆེན་དང་ནི་ཆུ་བོ་དང་།། རྒྱ་མཚོ་དག་ཀྱང་སྐེམ་པར་བྱེད།། སྟམྦྷ་ཡ་ཞེས་ལན་གཉིས་བརྗོད།། ཐ་མར་ཧཱུཾ་དང་དེ་ནས་མུ།། དེ
325a4 ནས་དེ་ཡི་མཇུག་ཏུ་ཧཱུཾ།། སཻ་ན་སྟམ་བྷ་ཞེས་སྦྱར་ན།། པ་ཙ་བི་དྷནྨ་ཡ་ཤོ་ཥ་ཡ་ཤོ་ཥ་ཡ་ད་ཧཱུཾ་ཕཊ། རི་བོ་ལ་ནི་གནས་པ་བཞིན།། ངེས་པར་མྱུར་དུ་གནོན་པར་འགྱུར།། ཐ་མར་ཧཱུཾ་བཞག་དེ་ནས་དྲི།། ཀྵོ་བྷ་ཡ་ཞེས
325a5 ལན་གཉིས་བརྗོད།། དེ་ཡི་ཐ་མར་ཡི་གེ་མ།། མཁས་པ་དག་གིས་སྦྱར་ན་ནི།། དཔུང་རྣམས་འཁྲུགས་པར་འགྱུར་བ་ལ། ཁྲོས་ན་ངོ་མཚར་ཅི་ཞིག་ཆེ།། ཐ་མར་ཧཱུཾ་དང་ག་བཞག་ལ།། དེ་ནས་ཏིཥྛ་ཏིཥྛ་གཞག། སྔགས
325a6 པས་གལ་ཏེ་སྦྱར་ནས་ནི།། ཆོ་ག་འདི་ཡིས་གླང་པོ་གནོན།། ཧ་ན་བི་དྷནྨ་མཱ་ར་ཡ།། བསྐུལ་ནས་ཐ་མར་ཧཱུཾ་བརྗོད་ཅིང་།། དེ་བཞིན་ཐ་མར་ཕཊ་བརྗོད་ན།། དཔུང་དག་རབ་ཏུ་འཆི་བར་འགྱུར། ཁ་ཁ་ཁཱ་ཧི་ཁཱ་ཧི
iiif viewer powered by OpenSeadragon
