| e-texts navigator |
| Wylie |
324b1 བགོས་ནས་ཀྱང་།། འབུམ་ཕྲག་གཅིག་ནི་སྔར་བསྙེན་པ།། བྱས་ནས་འདི་ནི་བརྩམ་པར་བྱ།། ཕྱུགས་ཆེན་དག་གི་ཁྲག་གིས་ཀྱང་།། ཤིས་པའི་ཐོད་པ་བཀང་ནས་ཀྱང་།། དེ་བཞིན་མི་ལས་བྱུང་བའི་ཤ། ཕྱག་རྒྱ་ཡིས
324b2 ནི་དབུལ་བར་བྱ།། ཕྱུགས་ཆེན་གྱི་ནི་ཚིལ་བུ་ལས།། མར་མེ་འབར་བ་བྱས་པ་དག། དེ་ཡི་ཕྱི་རོལ་ཕྱོགས་བརྒྱད་དུ།། སྔགས་ཀྱིས་བསྲུངས་ཏེ་དབུལ་བར་བྱ།། ཆོ་ག་ཤེས་པས་དེ་ལྟ་བུར།། བྱས་ནས་བསྒྲུབ་ལ
324b3 འཇུག་པར་བྱ།། དཔལ་ལྡན་གོས་ནི་དམར་པོ་གྱོན།། ཙནྡན་དམར་པོས་བསྐུས་ནས་ནི།། ཅུང་ཟད་དག་ཀྱང་མི་འབྱེད་པར།། མར་གྱིས་བརྒྱད་ལ་གཅིག་པུས་སོ།། དཔའ་ལ་སེམས་དྲག་མཐུ་ལྡན་པའི།། གྲོགས་ནི
324b4 གསུམ་དང་ལྷན་ཅིག་ཏུ།། བློ་དང་ལྡན་པས་སེམས་དྲག་ཅིང་།། དབང་པོ་བསྡམས་པའི་སྒྲུབ་པ་པོ།། ཡི་དྭགས་ཀྱི་ནི་དཀྱིལ་འཁོར་དུ།། སྒྲུབ་པའི་ལས་ལ་འཇུག་པར་བྱ།། དེ་ནས་མཚན་མོ་ཕྱག་རྒྱ་བཅིང་།། བརྟན
324b5 པར་འདུག་ལ་ལེགས་པར་བཟླས།། བགེགས་རྣམས་སྣ་ཚོགས་མཚན་གཅིག་ཏུ།། འབྱུང་སྟེ་དེ་ལས་རྒྱལ་བར་བྱའོ།། དེ་ལྟར་སྲིན་པོའི་ཚོགས་ཆེན་ལས།། རྒྱལ་ནས་ཕྱག་རྒྱ་འགྲུབ་པར་འགྱུར།། མི་འགྲུབ་པ་ཡི
324b6 ལས་རྣམས་ཀྱང་།། དེ་ནས་ཐོགས་པ་མེད་པར་བྱེད།། འཇམ་དཔལ་དབྱངས་ཀྱི་ཁྲོ་བོ་ཡང་།། བསྐུལ་ནས་འདིར་ནི་ཐོག་པ་མེད།། ཧ་ན་བི་སྒྲོ་ཊ་བཉྫ་པཉྫ་ཞེས།། བསྐུལ་བའི་མཐའ་མར་ཧཱུཾ་བརྗོད་ཅིང་།། གཡོན
iiif viewer powered by OpenSeadragon
