| e-texts navigator |
| Wylie |
324a1 ཀྱང་བྱ་མི་དགོས།། གསང་བའི་མཆོད་པའི་ཆོ་ག་ཤེས།། ཕྱག་རྒྱའི་དཀྱིལ་འཁོར་ལེགས་བྱས་ལ།། ཇི་ལྟར་འདོད་པ་རང་དགར་སྤྱོད།། ཅི་ཡང་རུང་བའི་གཏོར་མ་དང་།། ལོ་མ་མེ་ཏོག་འབྲས་བུས
324a2 ཀྱང་།། གང་གིས་གཤིན་རྗེ་གཤེད་པོ་ཡི།། སྙིང་པོ་ཕྱག་རྒྱ་མཆོད་བྱེད་པ།། བྱང་ཆུབ་སེམས་དང་ལྡན་གྱུར་ཅིང་།། རབ་ཏུ་གུས་ན་ཟླ་དྲུག་གིས།། དེ་ནི་ཅི་འདོད་དགོས་པ་རྙེད།། ཇི་ལྟར་འདོད་པའི་ལས་ཀྱང
324a3 བྱེད།། འཇམ་དཔལ་གྱི་རྩ་བའི་ཆོ་ག་ཞིབ་མོ་ཁྲོ་བོ་རྣམ་པར་རྒྱལ་བ་ལས། བེ་ཅོན་ཕྱག་རྒྱའི་དཀྱིལ་འཁོར་དུ་བསྒྲུབ་པའི་མཆོད་པའི་རྟོག་པ་སྟེ་ལེའུ་བཞི་པའོ།། །། དེ་ནས་བེ་ཅོན་ཕྱག་རྒྱ་ཡི།། ཇི་སྐད
324a4 གསུངས་པ་དེ་དག་བསྒྲུབ།། དེ་ཡི་དཀྱིལ་འཁོར་གཉིས་པའང་གཞན།། དཀྱིལ་ན་ཡི་དྭགས་ཞེས་བྱ་བ།། བསྒྲུབ་པས་མཚན་མོ་དུར་ཁྲོད་དུ།། དུར་ཁྲོད་བདག་གི་ཐལ་བ་ཡིས།། གྲུ་བཞི་པ་ལ་སྒོ་བཞི་བྲི།། མེ་རོའི
324a5 རོ་སྨད་དག་དང་ལྡན།། བླ་རེ་རྔ་ཡབ་མེ་ལོང་དྲིལ།། མེ་ཏོག་བདུག་པས་མཛེས་པར་བྱ།། ལྷ་རྫས་ཡི་དྭགས་མང་པོ་དངར།། ཐོད་པ་བརྒྱད་ཀྱིས་རྣམ་པར་སྤྲས།། ཕྱིས་ནི་བེ་ཅོན་ཕྱག་རྒྱ་ཡང་།། མགོ་མེད་རོ་ཡི་སྟེང
324a6 དུ་བྲི།། དཀྱིལ་ན་ཡི་དྭགས་ཞེས་བྱ་བའི།། ཐམས་ཅད་འཁྲུགས་བྱེད་དཀྱིལ་འཁོར་འདི།། ཁྲོ་བོ་གཙོ་བོའི་ཕྱག་རྒྱ་ཡིས།། མཆོད་པ་ཇི་སྐད་གསུངས་པ་བྱ།། སྨེ་གཏོར་ཐམས་ཅད་བྱིན་ནས་ནི།། གཙང་མ་གོ་ཆ
iiif viewer powered by OpenSeadragon
