| e-texts navigator |
| Wylie |
323b1 འཕེལ་བར་བྱེད་པར་བཤད།། དེ་ལས་དེ་བཞིན་ཁྱད་པར་དུ།། རང་གི་བསྐུལ་བའི་ཚིག་གིས་བྱེད།། དབང་དུ་བྱ་བར་འདོད་པར་ནི།། རང་གི་ངོ་བོ་སྨོས་པར་བྱ།། ལྷ་དབང་དབང་དུ་བྱོས་ཤིག་ཅེས།། བརྗོད་ནས
323b2 མཐའ་མར་སྭཱ་ཧཱ་སྦྱར།། ཞི་བའི་ཕྱིར་ནི་སྐུལ་བ་ཉིད།། མཇུག་ཏུ་ཤནྟི་བརྟག་པར་བྱ།། དེ་བཞིན་གཤེགས་པའི་རིགས་ལས་བྱུང་།། མཚུངས་པ་མེད་པའི་དཔལ་འདོད་བས།། སྐུལ་བའི་ཚིག་གི་མཇུག་ཏུ་ནི།། ན
323b3 མཿསྭཱ་ཧཱ་རྟག་ཏུ་སྦྱར།། རྒྱས་པའི་ཕྱིར་ནི་སྔོན་བཞིན་དུ།། བསྐུལ་ནས་བོ་ཥ་ཊ་བྱ་བར་བཤད།། རྒྱས་ཕྱིར་བསྐུལ་བའི་ཐོག་མ་དང་། ཁྲོ་བོའི་ཧཱུཾ་ནི་ཐ་མར་སྦྱར།། གསད་པ་ལ་ནི་ཕཊ་ཅེས་པ།། འབར་བ་འདི་ལས
323b4 ལྷག་པ་ཡིན།། རིགས་རྣམས་འཇིག་པར་བྱ་བ་ལ།། ཧཱུཾ་དབུས་ཁྲོ་དང་ལྡན་པའི་ཕཊ།། དེ་བཞིན་བསྐྲད་ལ་བསྐུལ་བ་ཡིས།། མགོ་དང་བཞུག་ཏུ་ཧཱུཾ་གཞག་གོ།། ཡང་དག་འབར་བའི་ཕཊ་ཀྱང་གཞག། གསང་བའི
323b5 མཆོད་པའི་ཆོ་གར་གྲགས།། དེ་ལྟར་མཆོད་པའི་རིམ་པ་དར།། བེ་ཅོན་དགུ་ནི་བྱས་པར་འགྱུར།། གསང་བའི་མཆོད་པ་སྦྱར་བ་ནི།། བདུག་པ་མེ་ཏོག་དེ་བཞིན་དྲི།། མར་མེ་གཏོར་མ་དེ་བཞིན་ཏེ།། བཟླས་པ་མེད
323b6 ཀྱང་འགྲུབ་པར་འགྱུར།། དབང་དུ་བྱ་དང་དབྱེ་བ་དང་།། བསྐྲད་དང་གསད་པ་ལ་སོགས་ནི།། ཇི་སྐད་གསུངས་པའི་ཚུལ་དག་དང་།། དེ་དང་སྦྱོར་བ་དེ་འདྲ་བས།། ཚེས་གྲངས་དག་དང་སྐར་མ་དང་།། སྨྱུང་བ་དག
iiif viewer powered by OpenSeadragon
