| e-texts navigator |
| Wylie |
320b1 མཁས་པ་ཡིས།། སྨེ་གཏོར་རྣམས་ནི་སྦྱིན་པར་བྱ། ཁྲོ་བོའི་གཙོ་ལ་དེ་ཕྱོགས་ཏེ།། དེ་ནས་ཡང་ནི་བདུག་པར་དབུལ།། དེ་ཡི་ཕྱི་རོལ་ཆུ་བཅས་སྣོད།། མེ་ཏོག་གིས་ནི་བཀང་སྟེ་གཞག། ཆོ་ག་ཁྲུས་བྱས་སྦྱང་བ
320b2 ཡི།། སློབ་མ་དག་ནི་བོས་ནས་ཀྱང་།། ཐམས་ཅད་སྔགས་ཀྱིས་གཟི་བསྐྱེད་ལ། ཁྲོ་བོ་ཡི་ནི་སྙིང་པོ་ཡིས།། ལག་གཉིས་མེ་ཏོག་བྱིན་ནས་ནི།། གོས་ཀྱིས་གདོང་ནི་གཡོགས་པར་བྱ།། དཀོན་མཆོག་གསུམ་ནི་དྲན
320b3 བྱས་ཏེ།། སློབ་དཔོན་གྱིས་ནི་གཞུག་པར་བྱ།། རང་གི་སྙིང་པོས་མེ་ཏོག་ཉིད།། དཀྱིལ་འཁོར་ལ་ནི་གཏོར་དུ་གཞུག། དེ་ནས་བེ་ཅོན་ཞེས་བྱ་བའི།། ཕྱག་རྒྱ་སྔགས་པས་དེ་ལ་བསྟན།། དཀོན་མཆོག་གསུམ་ནི
320b4 གསང་བ་ཡི།། དམ་ཚིག་དེ་ལ་སྦྱིན་པར་བྱ།། ཁྲོ་བོ་གཙོ་བོའི་སྔགས་ཀྱིས་ནི།། སྔགས་ཞེས་པའི་ནི་དབང་བསྐུར་བ།། ཆུ་དང་མེ་ཏོག་དག་གིས་ཀྱང་།། བསྒྲུབ་ཕྱིར་དེ་ལ་སྦྱིན་པར་བྱ། ཁྲོ་བོའི་སྙིང་པོས་དེ་ནས
320b5 ཀྱང་།། ཆོ་ག་བཞིན་དུ་དབང་བསྐུར་ནས།། མེ་ཏོག་བདུག་པ་ཕྲེང་ལྡན་པའི།། སྙིང་པོ་དེ་ལ་སྦྱིན་པར་བྱ། ཁྲོ་བོ་ཡི་ནི་སྙིང་པོ་མཆོག། དེས་ཀྱང་དེ་ལྟར་མནོས་ནས་ནི།། དེ་ནས་བླ་མ་ལ་བཏུད་ནས།། ཅི་ནུས་སྦྱིན
320b6 པས་མཆོད་པར་བྱ།། སྔགས་པས་བླ་མ་ལ་མཆོད་ན།། དངོས་གྲུབ་ཐོབ་འགྱུར་གཞན་དུ་མིན།། སློབ་མར་སྙིང་པོ་བྱིན་ནས་ཀྱང་།། མེ་ཏོག་ཙན་དན་ལ་སོགས་པས།། མཆོད་པ་བྱས་ཏེ་དེ་ནས་སྣོད།། དྲི་ཆུ་ལ་སོགས
iiif viewer powered by OpenSeadragon
