| e-texts navigator |
| Wylie |
31b1 མཛོད།། ཡེ་ཤེས་ཐུགས་རྗེས་ལས་མཛད་བསམ་པ་སྒྲུབས།། ཧཱུཾ་ཆགས་གཞི་ཆེན་མོ་ཁྲག་གི་མངའ་བདག་མོ།། གཡོན་གྱི་ཁྲོ་མོ་རོ་ལངས་ཐལ་མདོག་མ།། ཟ་བྱེད་ནག་མོ་བཛྲ་བེ་ཏཱ་ལཱི།། མིག་གསུམ་འཇིགས་པའི
31b2 ཁ་ཡང་གདངས།། དུག་སྦྲུལ་གོས་གྱོན་གཡས་ན་ཏྲི་ཤུ་ལ་ཐོགས།། གཡོན་ན་ཐོད་དམར་གཙོ་ལ་འདུད་པའི་ཚུལ།། ནག་མོ་ཆེན་མོ་བོས་པའི་ཚེ།། ནག་མོ་ཁྱོད་ཀྱི་མཚན་ཉིད་ནི།། ཞིང་ལྤགས་གྱོན་ཞིང་ཐོད་ཕྲེང
31b3 བརྒྱན།། ཆིབས་སུ་རླུང་ནག་སེར་བུ་བཅིབས།། ཟས་སུ་མི་ཤ་རློན་པ་ཟ།། སྐོམ་དུ་མི་ཁྲག་དྲོན་མོ་འཐུང་།། དམ་ཉམས་རྣམས་ཀྱི་སྙིང་འབྱིན་མ།། ཤ་ཟ་ཁྲག་འཐུང་རལ་པ་སྤྲུག་ཅིང་སྤྱོན།། དམ་རྫས་དམར་གྱི
31b4 གཏོར་མ་འདི་བཞེས་ལ།། བདག་གི་དགྲ་བགེགས་ཁུག་ལ་མྱུར་དུ་སྒྲོལ།། ཞེ་སྡང་ཆེན་མོ་རུས་པའི་མངའ་བདག་མོ།། གཡས་ཀྱི་ཡུམ་བསྐྱེད་ཨེ་ཀ་ཛ་ཏི་མ།། སྒེག་མོ་རལ་གཅིག་གཤིན་རྗེ་ཀུན་གྱི་ཡུམ།། ལྷ་དང་ལྷ
31b5 མིན་གཡུལ་བཟློག་མཐུ་མོ་ཆེ།། གསང་བའི་ཡུམ་གཅིག་ཕྲིན་ལས་བཞི་ཡི་བདག། གཤིན་རྗེའི་ཡུམ་ཆེན་བདུད་ཀྱི་ལྕམ།། སྐུ་མདོག་མཐིང་ནག་འབར་བ་ལ།། རལ་བའི་ཟར་བུ་གཡས་ནས་གཡོན་དུ
31b6 འཁྱིལ།། གསེར་གཡུ་མུ་ཏིག་རིན་ཆེན་བཻ་ཌཱུརྱ།། བྱད་མདངས་གཡུ་ཡི་རལ་པས་རྒྱན་དུ་བྱས།། གཡས་ན་སྤུ་གྲི་གཡོན་ན་ཁྲམ་བམ་བསྣམས།། སྲིད་པ་གསུམ་གྱི་བྱོལ་བཟློག་ཁྱོད་ཀྱིས་མཛད།། སྤྱན་ནས་མེ་འབར
iiif viewer powered by OpenSeadragon
