| e-texts navigator |
| Wylie |
318a1 ཡང་།། དེར་ནི་དཀྱིལ་འཁོར་རབ་ཏུ་བྱ།། དེ་ནས་རིག་འཛིན་ནན་ཏན་གྱིས།། ས་ནི་ཡང་དག་སྦྱངས་བྱས་ཏེ།། བ་ཚྭ་མེད་ཅིང་མ་གས་པ།། མཉམ་ཞིང་ཟུག་རྔུ་མེད་པ་ལ།། ནུབ་དང་ཤར་ཡང་བྱང་གི
318a2 མཐོ་བ་དང་། ཁ་དོག་སྣུམ་པ་ལྷག་པར་བཟང་།། བ་ལས་བྱུང་བ་རྣམ་ལྔ་དང་།། ལྡན་པ་ཡི་ནི་ལྕི་བས་བྱུག། ཅི་རིགས་པར་ནི་བྱུགས་ནས་ཀྱང་།། སློབ་དཔོན་གྱིས་ནི་ཁྲུས་བྱས་ལ།། སྦྱང་བར་འདུག་སྟེ་མཉམ་བཞག
318a3 ནས། ཁྲོ་བོའི་བསྲུང་བས་བྱིན་གྱིས་བརླབ།། ཡི་དྭགས་ཕལ་ཆེན་ཞེས་བྱ་བའི།། དཀྱིལ་འཁོར་གསང་མཆོག་ནུབ་མོ་བྲི།། ཟར་མའི་རས་སམ་རས་བལ་ལ།། ཐིག་སྐུད་སུམ་སྒྲིལ་མཛེས་པ་ཡི།། གྲཝ་བཞིའི་ས་དང་སྒོ
318a4 བཞི་བར།། མཁས་པས་དཀྱིལ་འཁོར་ཐིག་གདབ་སྟེ།། ཐོག་མར་ཤར་དང་བྱང་ནས་ནི།། ལྷོ་དང་ནུབ་ཀྱི་བར་དུའོ།། ཐིག་སྐུད་དེ་ནི་ཕྱོགས་མཚམས་ནས།། དེ་ནས་ཀྱང་ནི་དྲང་བར་བྱ།། ཤར་དང་ལྷོ་ཡི་མཚམས
318a5 དང་ནི།། ནུབ་དང་བྱང་གི་མཚམས་དག་ཏུ།། ཐིག་གིས་རབ་ཏུ་ཚད་བྱས་ཏེ།། གྲུ་བཞིའི་བར་ནི་ཐིག་གདབ་བོ།། རིམ་པ་གཅིག་པ་མཛེས་པ་ལ།། སྒོ་བཞི་དག་གིས་མཛེས་པར་བྱ།། ལྷོ་ཕྱོགས་ཀྱི་ནི་སྒོ་ཕྱེ་ལ།། ལྷག
318a6 མ་རྣམས་ནི་གཅད་པར་བྱ།། དཀྱིལ་འཁོར་དང་ནི་འཚམ་པ་ཡི།། དབུས་སུ་པདྨ་བྲི་བར་བྱ།། པདྨ་དང་ནི་ཕྱོགས་བཞིའི་སྒོ།། ཐེ་ཚོམ་མེད་པར་མཉམ་པར་བྱ།། མཛེས་བྱེད་སྒོ་ཡི་ཕྱེད་དུ་བྱ།། འགྲམ་པ་འདབ་མའི
iiif viewer powered by OpenSeadragon
