| e-texts navigator |
| Wylie |
317b1 བཤད།། དེ་དག་གི་ནི་རྩ་བའི་རྒྱུད། ཁྲོ་བོ་ཉིད་ཀྱིས་རབ་གསུངས་པ། ཁྲོ་བོ་རྣམ་རྒྱལ་ཞེས་བྱ་འདི།། འཇིག་རྟེན་འདས་དང་འཇིག་རྟེན་པས།། སྔོན་དུ་ཕྱག་བྱས་ཁྲོ་བོ་ཡི།། ཞལ་ནས་ཇི་བཞིན་ཐོས་ནས་ཀྱང་། ཁྲོ་བོ
317b2 ཉིད་ཀྱིས་གསུངས་པ་ཡི།། རྒྱུད་འདི་བྱང་ཆུབ་སེམས་རྣམས་ཀྱིས།། སྙིང་རྗེ་དེ་བཞིན་རྒྱས་པ་དང་།། རྣམ་པ་མང་པོར་བྱིན་གྱིས་བརླབས།། འཇམ་དཔལ་གྱི་རྩ་བའི་རྟོག་པ་ཁྲོ་བོ་རྣམ་པར་རྒྱལ་བའི་རྒྱུད་འབྱུང་བ
317b3 ཞེས་བྱ་བའི་སྐབས་ཏེ་ལེའུ་དང་པོའོ།། །། དེ་ནས་ཁྲོ་བོ་རྣམ་པར་རྒྱལ།། འཇམ་དཔལ་ཁྲོ་བོས་བཤད་པ་ཡི།། རྟོག་པ་རྨད་དུ་བྱུང་བའི་མཆོག། མདོར་ནི་རབ་ཏུ་བཤད་པར་བྱ།། དེ་ལ་འདི་ཡི་དཀྱིལ་འཁོར
317b4 ནི།། དངོས་གྲུབ་ཐམས་ཅད་སྦྱིན་མཛད་པའི།། འཇིག་རྟེན་གསུམ་པོ་འཁྲུགས་པར་མཛད།། ཡི་དྭགས་མང་པོ་ཞེས་བྱའོ།། ཐམས་ཅད་དུ་ནི་དཀྱིལ་འཁོར་འདི།། གནས་འདི་གང་དུ་འགྲུབ་འགྱུར་བ།། སྔགས
317b5 པས་ཐོག་མ་ཉིད་དུ་ནི།། དེ་ཡི་གནས་ནི་བརྟག་པར་བྱ།། ཤིང་གཅིག་པའམ་དུར་ཁྲོད་དམ། ཁྱིམ་སྟོང་དང་ནི་བཞི་མདོ་དང་།། མཆོད་རྟེན་དང་ནི་མུ་གཉིས་དང་།། ཐིབས་པོ་སྟོང་པ་ལམ་སྲང་རྙིང་།། སྐྱེད་མོས་ཚལ
317b6 དང་རི་ཡི་རྩེ།། ཆུ་བོའི་འགྲམ་དང་རི་ནགས་ཚལ།། ཡང་ན་རྒྱ་མཚོའི་འགྲམ་དང་ནི།། ལྷ་ཆེན་གྱི་ནི་གནས་ཀྱང་རུང་།། བ་ལང་ལྷས་སམ་གཡུལ་གྱི་ས།། ཁྱད་པར་དུ་ནི་ཡུལ་གཙང་བར།། གང་དུ་ཡིད་ནི་དགའ་བར
iiif viewer powered by OpenSeadragon
