| e-texts navigator |
| Wylie |
316b1 ཏུ་མི་བཟད་འཇིགས་པའི་སྐུ།། གཟི་བརྗིད་འབར་བས་ཕྱོགས་ཁྱབ་བོ། ཁམས་གསུམ་འཁྲུག་པར་མཛད་པ་མཐོང་།། གང་ཚེ་ལྷ་དང་ལྷ་མིན་རྣམས།། སྐྲ་གནས་སྐྱབས་སུ་དོང་བ་ན།། དེ་ཚེ་འཇམ་དཔལ
316b2 དབྱངས་ཀྱིས་ནི། ཁྲོ་བོ་སླར་ཡང་ཞི་བར་གྱུར།། གཤིན་རྗེའི་གཤེད་ཅེས་བྱ་བ་ཡང་། ཁྲོ་བོ་ཆེན་པོ་ཞི་བ་ལ།། དེ་ནས་སྐྱབས་སུ་དོང་བ་ཡི།། ལྷ་རྣམས་ཀུན་གྱིས་རབ་སྨྲས་པ། ཁྱོད་ཀྱི་བརྩོན་འགྲུས་མཆོག་འཚལ
316b3 བ།། ཇི་ལྟ་བུར་ནི་ངེས་པར་བགྱི།། ཇི་ལྟ་བུར་ནི་དང་བར་འགྱུར།། བདག་ཅག་ཐེ་ཚོམ་ཆེན་པོ་སྐྱེས། ཁྲོ་བོས་ལྷ་རྣམས་ཚིག་གསན་ནས།། གཤིན་རྗེ་གཤེད་ཀྱིས་བཀའ་སྩལ་པ།། ང་ནི་དུས་གསུམ་སྔོན་དུ
316b4 བྱུང་།། སངས་རྒྱས་ཀུན་གྱི་སྔོན་དུ་བྱུང་།། ང་ནི་དུས་གསུམ་ཕྱིས་ཀྱང་འབྱུང་།། ང་ནི་དུས་གསུམ་ད་ལྟར་བྱུང་།། ང་ནི་ལྔ་བརྒྱ་ཐ་མའི་ཚེ།། ང་ཡི་བསྟན་པ་འབྱུང་བར་བྱེད།། བསྟན་པ་ཐམས་ཅད་ནུབ་པའི་ཚེ།། ང་ཡི།
316b5 བསྟན་པ་འབྱུང་བར་བྱེད།། ལས་ངན་མཚམས་མེད་བྱེད་པའི་ཚེ།། དེ་ཚེ་ང་ཡི་བསྟན་པ་འབྱུང་།། ཟས་ངན་ལྕི་བ་ཟ་བའི་ཚེ།། དེ་ཚེ་ང་ཡི་བསྟན་པ་འབྱུང་།། གོས་ངན་དུག་ཧྲུལ་གོན་པའི་ཚེ།། དེ་ཚེ་ང་ཡི་བསྟན་པ
316b6 འབྱུང་།། ང་ནི་དུས་གསུམ་འབྱུང་བའི་སྐུ།། བསྟན་པ་ཐམས་ཅད་ནུབ་པའི་ཚེ།། དེ་ཚེ་ང་ཡི་བསྟན་པ་འབྱུང་།། ཇི་ལྟ་བུར་ནི་ཞི་འགྱུར་ཡང་།། ང་ནི་ཐམས་ཅད་ཞི་བའི་སྐུ།། ཇི་ལྟ་བུར་ནི་ཁྲོས་གྱུར་ཀྱང་།། ཐམས་ཅད
iiif viewer powered by OpenSeadragon
