| e-texts navigator |
| Wylie |
316a1 རྒྱུད་ལས་ཞབས་ཀྱི་དོན་བསྡུས་པ་དམ་བཅས་པའི་ལེའུ་སྟེ་སུམ་ཅུ་རྩ་གཉིས་པའོ།། །། གཤིན་རྗེ་ནག་པོའི་རྒྱུད་ལས་སློབ་དཔོན་ཆེན་པོ་མ་ཧཱ་ནེ་བི་ཀུ་ཏ་པ་ཏས་བསྐུར་བ་རྫོགས
316a2 སོ།། །། @#།། རྒྱ་གར་སྐད་དུ། ཨཱཪྻ་མཉྫུ་ཤྲཱི་གུ་ཧྱ་ཏནྟ་རཱ་ཛ་ཤ་བ་ཀ་ཏནཱ་བྷ་ས་ཀལྤ་བཤྩི་མ་རཱ་ཛ་སཱ་དྷ་ཀཱཉྫ་ག་མ་ཀྲོ་དྷ་བི་ཛ་ཡ་ཏནྟ་བཤྩི་མཱ་བི་བཤྩི་མ་ནཱ་མ། བོད་སྐད་དུ། འཕགས་པ
316a3 འཇམ་དཔལ་གསང་བའི་རྒྱུད་ཀྱི་རྒྱལ་པོ། པྲ་ཁོག་སྣང་གི་བརྟག་པ་ཕྱི་མའི་རྒྱལ་པོ་སྒྲུབ་པའི་ལུང་། ཁྲོ་བོ་རྣམ་པར་རྒྱལ་བའི་རྒྱུད་ཕྱི་མའི་ཡང་ཕྱི་མ་ཞེས་བྱ་བ། བཅོམ་ལྡན་འདས་གཤིན་རྗེའི་གཤེད་ལ་ཕྱག་འཚལ
316a4 ལོ།། འཇམ་པའི་དབྱངས་ལ་ཕྱག་འཚལ་ལོ།། དེ་ནས་འཇམ་དཔལ་དབྱངས་ཀྱིས་ནི། ཁྲོ་བོ་མིང་ནི་གཤིན་རྗེའི་གཤེད།། མཚོན་ཆ་མེ་ལྟར་འབར་བས་འཁྲིགས།། དྲག་ལ་མཐུ་རྩལ་དྲག་ལྡན་པ།། དེ་མཐོང་ནས་ནི
316a5 ཁྲོ་བོ་གཞན།། ཐམས་ཅད་ཀུན་གྱིས་ལག་ཆ་ཤོར།། དེ་བཞིན་དུ་ནི་འཇིག་རྟེན་པ།། ལྷ་རྣམས་ལུས་ཀྱིས་འདུད་པར་བྱེད།། གཞན་ཡང་ཐལ་མོ་སྦྱར་བྱས་ཏེ།། སྐྲག་ནས་བསྟོད་པ་མང་པོ་བྱེད།། ལྷ་རྣམས་མང་པོ་ཇི
316a6 སྙེད་ཀུན།། འཇམ་དཔལ་ཁྲོ་བོའི་གཟི་བརྗིད་ཀྱིས།། གཟིར་བཞིན་དུ་ནི་རབ་སྨྲས་པ།། བཅོམ་ལྡན་མགོན་པོ་བདག་ཅག་གིས།། སངས་རྒྱས་ཆོས་དང་དགེ་འདུན་ལ།། སྐྱབས་སུ་མཆི་ཡིས་བཀའ་སྩོལ་ཅིག། རབ
iiif viewer powered by OpenSeadragon
