| e-texts navigator |
| Wylie |
314b1 ཀྱིས་མགྲིན་གཅིག་ཏུ་བསྟོད་ཅིང་ཕྱག་འཚལ་ཏེ་འདི་སྐད་ཅེས་ཟེར་ཏོ།། མི་གནས་མི་དམིགས་ཆོས་སྐུར་དག་པ་ལས།། བདུད་འདུལ་ཁྲོ་བོ་མཆོག་ཏུ་སྐུར་སྤྲུལ་ཏེ།། ཐུགས་རྗེའི་གཟི་ལྡན་གདུག་པ་ཐབས་ཀྱིས
314b2 འདུལ། ཁྲོ་རྒྱལ་གཤིན་རྗེའི་གཤེད་ལ་ཕྱག་འཚལ་ལོ།། མཉམ་མེད་སྐུ་མངའ་གཏུམ་ཆེན་འབར་བའི་སྐུ།། དུག་གསུམ་ཟ་བྱེད་བསྐལ་པའི་མེ་ལྟར་འབར།། མ་ལུས་འཇོམས་མཛད་ཁྲོ་བོ་བགེགས་ཀྱི་གཙོ།། མཐར
314b3 བྱེད་གཞོན་ནུ་ཁྱོད་ལ་ཕྱག་འཚལ་ལོ།། ལྷག་པའི་ཡེ་ཤེས་སྤྱན་གསུམ་རྣམ་པར་དག། ཐུགས་རྗེའི་སྤྱན་ལྡན་ཁྲོ་བས་རབ་བསྡིགས་མཛད།། མ་རུངས་འཇོམས་མཛད་ཁྲོ་བོ་དུས་དགྲའི་གཤེད།། མཉམ་ཉིད་ཡེ
314b4 ཤེས་སྤྱན་ལ་ཕྱག་འཚལ་བསྟོད། ཁྲོ་མཆོག་ཡེ་ཤེས་ཐབས་ཀྱི་སྐུ་མངའ་བས།། དཔག་བསམ་ཤིང་ལྟར་རེ་བ་སྐོང་མཛད་པ།། མཆོད་པས་སྡིག་བྱང་མཐོང་ན་བདེ་འཐོབ་པ།། འདོད་པ་མ་ལུས་སྩོལ་ལ་ཕྱག་འཚལ
314b5 ལོ། ཁྲོ་གཏུམ་མི་བཟད་རྩུབ་པའི་སྒྲ་ལྡན་པ། ཁྱོད་ཀྱི་མཚན་ཟོས་ཙམ་གྱིས་བགེགས་རྣམས་ཕུང་།། འབར་བའི་སྐུ་མཐོང་གསུང་སྒྲ་ཟོས་པ་ཡིས།། དགྲ་བགེགས་མི་བརླག་མཛད་ལ་ཕྱག་འཚལ་ལོ།། ཁྲོ་བོའི་རྒྱལ་པོ
314b6 ཁྲོ་ཆེན་གཤིན་རྗེ་གཤེད།། བརྗིད་པའི་སྐུ་ལ་སྟག་ལྤགས་ན་བཟའ་གསོལ།། མཐུ་མཆོག་བསྟན་པའི་སྦྲུལ་ནག་སྐུ་ལ་བཅིངས།། འཇིགས་བྱེད་མཐའ་ཡས་སྒྲོལ་ལ་ཕྱག་འཚལ་ལོ།། འོད་ཕུང་སྟུག་པོ་བསྐལ་པའི་མེ
iiif viewer powered by OpenSeadragon
