| e-texts navigator |
| Wylie |
314a1 པས་བྲི་བ་ཡང་།། མི་རོས་བགོས་པའི་རས་དག་ནི།། མཁས་པས་ཁྲུ་གང་ཚད་དག་པ།། མི་ཡི་རོ་སྒྲ་ཉིད་དག་གི། པིར་གྱིས་ལེགས་པར་བྲི་བར་བྱ།། ཚོན་གྱི་ཁ་དོག་ཀུན་མེད་པར།། རི་བོང་ཁྲག་གིས
314a2 བྲི་ཡང་རུང་།། དབུ་དགུ་ཕྱག་ནི་བཅོ་བརྒྱད་དམ།། དབུ་དྲུག་ཕྱག་ནི་བཅུ་གཉིས་དང་།། དབུ་གསུམ་ཕྱག་ནི་དྲུག་པ་སྟེ།། དེ་བཞིན་ཞལ་གཅིག་ཕྱག་གཉིས་སམ།། རང་ཉིད་གང་འདོད་གཞུང་བཞིན་བྲི།། དྲིས་ནས
314a3 མེ་ཏོག་དམར་པོ་དང་།། མཆོད་པ་དག་གིས་ཆེར་མཆོད་ལ།། སྒྲུབ་པའི་རྟེན་དུ་དགྲམ་པར་བྱ།། གཞན་གྱིས་མཐོང་ན་དངོས་གྲུབ་ཡལ།། འཇམ་དཔལ་གཤིན་རྗེ་ནག་པོའི་ཏནྡ་ལས་རི་མོའི་མཚན་ཉིད་བསྟན་པའི
314a4 ལེའུ་སྟེ་སུམ་ཅུ་ཟམ་པའོ།། །། དེ་ནས་མགོན་པོ་གཤིན་རྗེའི་གཤེད་པོ་ལ།། ཕྱོགས་བཅུ་དུས་གསུམ་གྱི་སངས་རྒྱས་ཐམས་ཅད་ཀྱིས། དུས་གསུམ་གྱི་སངས་རྒྱས་ཀྱི་ཐུགས་ཡེ་ཤེས་ཀྱི་ངོ་བོའི་སྐུའི་བདག་ཉིད
314a5 ཡིན་ཏེ་སངས་རྒྱས་ཀྱི་བསྟན་པ་ལ་གནོད་པའི་བདུད་དང་མུ་སྟེགས་དང་སྲིན་པོ་དང་གཤིན་རྗེ་དང་ཡི་དྭགས་དང་ཤ་ཟ་དང་མ་མོ་དང་དགྲ་དང་བགེགས་ལ་སོགས་པ་ཐམས་ཅད་འདུལ་ཞིང་ཚར་གཅོད་པའི་གཤིན
314a6 རྗེའི་གཤེད་པོར་རྡོ་རྗེའི་མིང་གིས་དབང་བསྐུར་གནང་བ་སྩལ། བསྔགས་པ་མཛད་ནས། ལྔ་བརྒྱ་དུས་ཀྱི་སྙིགས་མ་ལ་བསྟན་པ་གཉེན་པོ་སྲུང་བར་བསྐོས། དེ་ནས་གཤིན་རྗེ་དང་མ་མོའི་འཁོར་ཚོགས་ཐམས་ཅད
iiif viewer powered by OpenSeadragon
