| e-texts navigator |
| Wylie |
30a1 བཅས་ལ།། རྩེ་གཅིག་ཐུགས་ཀྱི་མཆོད་པ་འབུལ།། ཐུགས་མཆོག་དམ་པ་མཉེས་གྱུར་ཅིག། ཧཱུཾ་ནམ་མཁའི་མཐའ་ཀླས་འཇིག་རྟེན་ན།། ཕན་གནོད་གནས་དམིགས་འགྲོ་འོང་ཀུན།། དེ་བཞིན
30a2 གཤེགས་པའི་བྱིན་བརླབས་ཏེ།། ཡ་མ་རཱ་ཛ་འཁོར་བཅས་ལ།། ཡོན་ཏན་འཕྲུལ་གྱི་མཆོད་པ་འབུལ།། ཡོན་ཏན་མཆོད་པས་མཉེས་གྱུར་ཅིག། ཧཱུཾ་ནམ་མཁའི་མཐའ་ཀླས་འཇིག་རྟེན་ན།། དགེ་དང་མི་དགེའི་ལས
30a3 རྣམས་ཀུན།། དེ་བཞིན་གཤེགས་པའི་མཛད་སྤྱོད་དེ།། སྤྲུལ་པའི་དམ་ཅན་འཁོར་བཅས་ལ།། སྐྱོན་བྲལ་ཚོགས་ཀྱི་མཆོད་པ་འབུལ།། ཚོགས་ཀྱི་མཆོད་པས་མཉེས་གྱུར་ཅིག། གཞན་ཡང་ཧཱུཾ་ཕཊ་སྦྱོར་བའི་བྱིན
30a4 རླབས་ཀྱིས།། འདོད་པའི་ཡོན་ཏན་ལྔས་ཀྱང་མཆོད་པར་བྱའོ།། གཞན་ཡང་གདུལ་བྱ་བཀུག་བསྟིམ་ལ།། རྫོགས་ནས་ཕུང་པོ་དུག་གསུམ་མཆོད་པར་འབུལ།། སྒྲོལ་སྦྱོར་མཆོད་པ་ཀུན་ཀྱང་ཐིམ།། དཔལ་ཟླ་གསང
30a5 ནག་པོའི་རྒྱུད་ལས། མཆོད་པ་ཚོགས་བསགས་པ་དང་། གདུལ་བྱ་དུག་གསུམ་གྱི་ལས་ཀྱི་ལེའུ་སྟེ་བཅུ་པའོ།། །། དེ་ནས་ཡང་འཇིགས་བྱེད་ཀྱི་རྒྱལ་པོ་ཡ་མཱནྟ་ཀ་དེས། ཕྱག་རྒྱའི་དཀྱིལ་འཁོར་འདི་བཀའ་སྩལ
30a6 ཏོ།། འཇིགས་བྱེད་ཆེན་པོ་ཀུན་གྱི་གཙོ།། དབུས་ཀྱི་གཙོ་བོའི་ཕྱག་རྒྱ་ནི།། ཞལ་གསུམ་ཕྱག་དྲུག་སྐུ་མདོག་མཐིང་།། གཡས་དཀར་གཡོན་དམར་དབུས་མཐིང་ཞལ།། གཡས་པ་གསུམ་ན་བསྣམས་པ་ནི།། འཁོར
iiif viewer powered by OpenSeadragon
